“Ramiz Mehdiyevin kürəkəni qaynatasının şərəfinə dediyi tostu belə başlayır:”Mənim tayfam, Ramiz müəllimin tayfası, təzə qohumlarımızın tayfası..“ Ziddiyət ortadadır, açıq-aşkar görünür”.

“Yeni Sabah” xəbər verir ki, bunu “Yeni Azərbaycan” qəzetinin keçmiş baş redaktoru Alqış Musayev deyib. Ramiz Mehdiyevin nəvəsinin toyundan danışan A. Musayev bildirib ki, toyun keçiridiyi evin –Novxanıdakı mülkün tavanı, döşəməsi par- par parıldayır:

“Bahalı mebellər gözə girir. Zəngin süfrə göz ünündədir. Amma düşüncə ibtidaidir, tayfa düşüncəsidir, əxalq- qəbilə əxlaqıdır...

Elə bil heç 21- ci əsrin sakinləri deyillər. Sanki Azıx mağarasının sakinləri ovdan təzəcə qayıdıblar, gətirdikləri qənimətin sevincini yaşayırlar.

Tayfa söhbəti şübhəsiz ki, təsadüfi sayılmamalıdır. Bu, Ramiz Mehdiyevin uzun illərdir idarəçilik sisteminə sırıdığı , öz ətrafına aşıladığı tayfa düşüncəsinin əlamətidir”.