İnsanların heysiyyatı ilə oynayan, vətəndaşlar üçün əlavə problem yaradan məmurlar, vəzifə sahibləri barəsində dəfələrlə eşidirik. Çünki hansısa sosial narazılıq dövlət səviyyəsində qəbul olunmur və buna yol verən vəzifə sahibləri isə dərhal cəzalandırılırlar. DİA.AZ xatırladır ki, məsələn, dünən Xəzər rayon icra hakimiyyətinin gənc başçısının Şəhid bulağını sökdürmə qərarı və bunun ardından başçının özünün qulağının buna görə burulması qərarı dediklərimizə sübut kimi qəbul olunmalıdır. Amma bəzən vəzifə sahibləri ilə yanaşı millət vəkillərinin də adı sosial narazılıq yaradan şəxslər sırasında çəkilir.

DİA.AZ xəbər verir ki, deputatların məhz vətəndaşların İKRAH ÜNVANI olması məsələsi artıq "yuxarılar"ın də ciddi şəkildə müzakirə mövzusudur. Bununla bağlı redaksiyamıza hökumətdəki mötəbər mənbədən informasiya daxil olub.

Xəbəri verən qaynaq iddia edir ki, hakimiyyət növbəti seçkilərdə parlamentə ciddi şəkildə əl gəzdirməyi düşünür: "Bu, hakimiyyətin planıdır. Daha kimlərinsə nazı çəkilməyəcək. Artıq PA-da oturanlar da ayrı-ayrı deputatların ayıblarını örtməkdən yorulublar".

DİA.AZ-a daxil olan məlumata görə, buna görə "yuxarıların" birbaşa göstərişi ilə vətəndaşlarda ikrah hissi yaradan deputatların siyahısı tərtib edilib. Mənbə iddia edir ki, sözügedən siyahıya 97 saylı Goranboy-Ağdam- Tərtər seçki dairəsindən deputat elan olunmuş Ağalar Vəliyev başçılıq edir.

Siyahıda daha kimlər var.... Bu barədə növbəti yazımızda... Bizi izləməyə davam edin. İlginc faktları təqdim edəcəyik.

Ağalar Vəliyevin sözügedən İKRAH yaradan deputatlar siyahılsılndakı liderliyinə gəlincə isə, deputat bunu haqq etmədiyini söyləmək də olmur... Bu barədə də növbəti yazıda faktları təqdimm edəcəyik.

Məsələ ilə bağlı dia.az olaraq bütün maraqlı tərəflərin mövqelərini işıqlandırmağa hazırıq...