Türkiyənin Sakarya şəhərində kütləvi zəhərlənmə olub.
Publika.az xəbər verir ki, şəhərdə fəaliyyət göstərən özəl məktəblərdən birinin 141 şagirdi zəhərlənmə diaqnozu ilə xəstəxanalara yerləşdirilib.
Dünən gecə saatlarından etibarən qusma və ishal yaşayan məktəblilərin qidadan zəhərləndiyi ehtimal olunur. Onlardan 26-nın müalicəsi davam edir.
Sakarya valisi Əhməd Hamdi Nayir mediaya açıqlamasında şagirdlərin vəziyyətinin yaxşı olduğunu bildirib.
