2018-ci ildə "Azsığorta” ASC-nin Direktorlar Şurasının (DŞ) sədri Viladi Maniyevə 195 417 manat, başqa sözlə, ayda 16 285 manat əmək haqqı ödənilib.
Dia.az Qaynarinfo.az-a istinadla xəbər verir ki, sənədə əsasən, hesabat dövründə DŞ-nın üzvü olan Ziya Talıbov isə 62 100 manat, başqa sözlə ayda 5 175 manat maaş alıb. Xatırladaq ki, o, bu ay vəzifəsini tərk edib.
"Azsığorta”nın İdarə Heyətinin (İH) sədri Anar Talıbova isə 2018-ci ildə 155 365 manat, yəni ayda 12 947 manat əmək haqqı ödənilib. Şirkətin İH-nin sədr müavini Yusif Soltanov 100 448 manat (ayda 8 371 manat), digər sədr müavini Zöhrab Şirinov isə 85 560 manat (ayda 7 130 manat) maaş alıb.
