Uzun illər Azərbaycanın prokururluq orqanlarında çalışmış təqaüddə olan prokurorların pensiyaları azaldılıb.
Bu barədə Gununsesi.info-ya bir qrup sabiq prokuror yazdığı müraciətdə bildirib.
Ölkənin Əmək və Əhalinin Sosial Müdafiəsi naziri Sahil Babayevi ittiham edən sabiq prokurorlar onun qanunsuzluğuna son qoyulmasını təlıb edir:
Sahil Babayev əsassız olaraq göstəriş veribdir ki, təqəüdda olan prokurorluq əməkdaşlarının pensiyaları yenidən hesablansın və azaldılsın. Azaltmaq üçün əsas götürdüyü qüvvədə olmayan Nazirlər Kabinetinin 2000-ci il 15 iyul tarixli, 126 nömrəli qərarı ilə təsdiq edilmiş “Orta əmək haqqı hesablanarkən nəzərə alınan və alınmayan ödənclərin Siyahısı”nda göstərilən “məzuniyyət üçün verilən ödənişlərin nəzərə alınmamasıdır barədə qərar göstərilir.
Sahil Babayevə məlum deyil ki, bu NORMA artıq qüvvəsindən düşübdür. Məlum olduğu kimi, Azərbaycan Respublikası Prezidentinin 2005-ci ilin 07 fevral tarixli, 194 nömrəli Sərancamı ilə təsdiq edilmiş “Dövlət qulluqçularına əmək penasiyasının təyin edilməsi üçün dövlət məvacibinin hesablanması QAYDALARI” nın 9-cu bəndinə əsasən orta aylıq əmək haqqı hesablanarkən “məcburi dövlət sosial sığortasına cəlb edilən digər pul ödənişləri də, nəzərə alınır. Yəni 1) qulluq stajına, 2) xidmət illərinə, 3) ixtisas dərəcəsinə görə ödənişlərdən əlavə, məcburi dövlət sosial sığortasına cəlb edilən digər pul ödənişləri də, nəzərə alınmaldır.
Bundan əlavə, Sizə məlum olduğu kimi, “Prokurorluq orqanlarında qulluq keçmə haqqında” Azərbaycan Respublikası Qanunun 20.8-ci maddəsinin tələblərinə görə, Prokurorluq işçiləri hər il məzuniyyətə çıxarkən onlara iki aylıq əmək haqqı məbləğində pul təminatı verilir. Yəni, məzuniyyət pulundan əlavə, prokurorluq işcilərinə hər il məzuniyətə gedən zaman iki aylıq əmək haqqı məbləğində vəsait verilir. Məlumdur ki, həmin vəsaitlərdən də, məcburi dövlət sosial sığortalar alınır. Ona görə də qeyd edilən bu Normanın tələblərinə görə, “iki qat əmək haqqı məbləğində ödənilmiş vəsaitlər də, orta əmək haqqı hesablanarkən nəzərə alınmalıdır”.
Lakın, bu dəyişikləri nəzərə almayan və bu Normanın tələblərini ciddi pozan Sahil Babayev, əsassız olaraq göstəriş veribdir ki, məzuniyyət üçün verilən bu ödənişlər nəzərə alınmasın. Onun bu qanuna zidd olan “göstərişinə” görə pensiyamızın məbləği 400 manat həcmində əsassız olaraq azaldılıbdır.
Bundan əlavə Sahil Babayev tərəfindən sosial təminat və mülkiyyət hüquqlarına dair Azərbaycan Respublikası Konstitusiyanın müddalarının (12,24,25,26, 29, 38,71 maddələrin), eləcə də, prokurorluq işçilərinin sosial təminatının müdafiəsi barədə “Prokurorluq haqqında” Qanunun 38-ci maddəsinin və “Prokurorluq orqanlarında qulluq keçmə haqqinda” Qanunun 20.8, 20.9, 21.1 və 21.4-cü maddələrinin, habelə, prokurorluq işçilərinin pensiyalarının yenidən hesablanması barədə “Əmək pensiyaları haqqında” Qanunun 20.8 və 20.8.2-ci maddələrinin tələbləri ciddi pozulmuş, prokurorluq işcilərinin əmək haqqılarının artırıldığı halda, əsassız olaraq bu artırımlar və onu tənzimləyən Qanun və Normaların tələbləri biz-pensiyada olan prokurorluq əməkdaşlarına tətbiq edilməmiş və bizim pensiyalarımızın artırılmaması kimi, özbaşınalıqlarina yol verilmişdir.
Məlum olduğu kimi, 2020-ci ilə qədər prokurorluq işçilərinin əməkhaqqıları artırılanda pensiyada olan prokurorluq işçilərinin də, pensiyalarının artırılmasına baxmayaraq, 2020-ci ildə bu artırılmalar əsassız olaraq bizə tətbiq edilməmişdir.
Absurd yaradan odur ki, prokuror əməkdaşlarının əmək haqqılarının artırılması yalnız hazırda xidmət edən prokurorluq əməkdaşlarına tətbiq olunmuşdur. Qanunsuzluq, ayrıseçkilik və ədalətsizlik törədərək, pensiyada olan prokurorluq əməkdaşlarının, hazırda pensiya çıxan və xidmət edən prokurorluq əməkdaşlarından fərqli olması, onların aralarında ayrıseçkilik salması və prokuror əməkdaşları kimi, hər ikisinə Qanunla nəzərdə tutulan imtiyaz, güzəşt və digər imkanlarından eyni qaydada istifadə etmək hüquqlarının olmaması hesab edilmişdir. Pensiyada olan prokuror əməkdaşlarına Konstitusiya üzrə verilən güzəşt və imkanlarından istifadə etmək hüquqları məhdudlaşdırılmış və bununla faktiki olaraq onların Konstitusion hüquqları ciddi pozulmuşdur.
Göründüyü kimi, Sahil Babayevin bu özbaşınalıqlarına biz pensiyada olan çoxsaylı prokurorluq əməkdaşları məruz qalmışıq və bizim pensiyamızın məbləği əsassız olaraq azaldılmış və bizə külli miqdarda zərər vurub.
