Fövqəladə Hallar Nazirliyinin akademiyası təkcə inzibati binasının şüşələrinin və fasadının yuyulmasına 10 mindən çox vəsait xərcləyir.
TİA.Az xəbər verir ki, bununla bağlı tenderin qalibi “Service Plus Group” MMC olub. Nəticədə 10 845 manat binanın şüşələrinin və fasadının yuyulmasına yönəldiləcək. Amma şüşə və fasad yuyulmasına bu qədər vəsaitin sərf olunması da suallar doğurmaya bilməz.
Çünki tenderlər daha çox maxinasiyalara xidmət edir. Bu günlərdə Prezident İlham Əliyev də yeni icra başçılarını qəbul edərkən bildirmişdi ki, bir çox hallarda məmurlar tenderləri özlərinə yaxın şirkətlərə verirlər.
