Ankara Suriyada hərbi əməliyyatın təxirə salınmasının səbəbini açıqlayıb.
Oxu.az bildirir ki, müvafiq bəyanatla Türkiyə xarici işlər naziri Mövlud Çavuşoğlu çıxış edib.
O bildirib ki, Türkiyənin Suriyadakı hərbi əməliyyatı ABŞ-ı cavab atəşə təhrik etməmək üçün təxirə salınıb.
Nazirin sözlərinə görə, məqsəd ABŞ qoşunlarının Suriyadan çıxarılması zamanı "dost atəş"dən yayınmaq olub.
Çavuşoğlu həmçinin qeyd edib ki, Türkiyə və ABŞ yanvarın 8-də Vaşinqtonda qoşunların çıxarılması məsələsini müzakirə edəcək.
