Ukrayna, ABŞ, Almaniya və Fransa Donbas münaqişəsi üzrə birgə qətnaməni BMT Təhlükəsizlik Şurasının müzakirəsinə təqdim etməyə praktik olaraq hazırdır.

Atatv.az “Röyters” agentliyinə istinadən xəbər verir ki, bu haqda Ukrayna prezidenti Pyotr Poroşenko bildirib.

“Əgər Rusiya veto hüququndan istifadə edəcəksə, bu yalnız Ukrayna üçün deyil, bütün dünya cəmiyyəti üçün çağırış olacaq”, - o qeyd edib.

Daha əvvəl Ukraynanın xarici işlər naziri Pavel Klimkin bildirib ki, Ukrayna ABŞ, Fransa və Almaniya ilə birgə Donbasda BMT-nin sülh missiyasının tətbiqi haqqında qətnaməni hazırlayıb.