Dövlət Sərhəd Xidmətinin şəxsi iş qovluqlarının satın alınması məqsədilə elan etdiyi tenderin qalibi məlum olub.
Yeniavaz.com xəbər verir ki, tenderin qalibi olan “İntellekt M.A” MMC Dövlət Sərhəd Xidmətinə 6 000 ədəd şəxsi iş qovluğu, 500 ədəd sənədlərin yığılması üçün qapalı qutu satacaq.
Dövlət Sərhəd Xidməti satın alnacaq mallar üçün “İntellekt M.A” MMC-yə 178 min 534 manat ödəyəcək. Rəqəmlərdən də göründüyü kimi 1 ədəd iş qovluğu və sənəd qutusunun orta qiyməti 27,5 manat olacaq.
Məlumat üçün bildirək ki, “İntellekt M.A” MMC ötən Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinə i(“ASAN Xidmət”) ümumi dəyəri 258 min 951 manat olan 1050 dəst kişi kostyumu (pencək və şalvar), 1350 dəst qadın kostyumu (pencək, jilet, ətək və şalvar) satıb. Rəqəmlərdən də göründüyü kimi “ASAN xidmət”in satın aldığı bir ədəd kostymumun orta qiyməti 108 manat təşkil edib.
Bundan baqşa, iyun ayında “ASAN xidmət” “İntellekt M.A” MMC-dən ümumi dəyəri 208 min 860 manat olan 2100 ədəd kişi yay köynəyi (qısaqol), 2100 ədəd qadın yay köynəyi (qısaqol) alıb. Rəqəmlərdən də göründüyü kimi “ASAN xidmət”in satın aldığı bir ədəd qısaqol köynəyin orta qiyməti 50 manat təşkil edib.
Məlumat üçün qeyd edək ki, “İntellekt M.A” MMC 15.04.2009-cü il tarixində dövlət qeydiyyatına alınıb. Nizamnamə kapitalı cəmi 10 manat olan MMC-nin hüquqi ünvanı “Sabunçu rayonu, Bakıxanov ŞTQ, Sülh, ev 2/20, m. 27” olaraq göstərilir. Qanuni təmsilçisi isə Abdullayev Sadiq Müşviq oğludur.

Elçin Quliyev də tenderləri belə yola verir...