Nazirlik, yoxsa Sahil Babayevin “qohum-əqrəba” kantoru ?- Nazirin həyat yoldaşına məxsus şirkət ölkəyə nə idxal edir ?

Əmək və Əhalinin Sosial Müdafiəsi Naziri Sahil Babayevin əməllərinə keçməzdən öncə, gəlin sabiq nazir, hazırda məhkum həyatı yaşayan Səlim Müslümovun əməllərinə nəzər salaq. Belə müqayisə daha düzgün olur.

Səlim Müslümovun əməllərini yazmağa nə qələm, nə rəng, nə də ağ vərəq çatmaz. Ancaq nazirin öz qohum- əqrəbasını dövlət qurumuna necə doldurduğuna baxaq.

Məlumdur ki, Səlim Müslümov bacısının kürəkəni Fuad Əlizadəni Dövlət Əmək Müfəttişliyinin rəisi, qaynı Ağalar Xasayevi DSMF-nin Hərbi qulluqçular və xüsusi rütbəli şəxslərlə iş idarəsinin rəisi, bacısının həyat yoldaşı Əsgər Əsgərovu Dövlət Sosial Müdafiə Fondunun Nəsimi rayon şöbəsinə müdiri, əmisi oğlu Yalçın Müslümovu nazirin müşaviri təyin etmişdi. Bu şəxslərdən başqa Əmək və Əhalinin Sosial Müdafiəsi Nazirliyində Səlim Müslümovun başqa qohumları da işləyirdi. Eyni zamanda Əmək və Əhalinin Sosial Müdafiəsi Nazirliyinin həyata keçirdiyi tenderlərdən Səlim Müslümovun qohumlarının yararlanması haqqında da kifayət qədər məlumat var.

Gördünüzmü, bu dövlət qurumundan çox “Bir tayfanın kantoru”dur.

İndi isə, Səlim Müslümovu Əmək və Əhalinin Sosial Müdafiəsi Naziri vəzifəsində əvəz edən Sahil Babayevin “kadro” siyasətinə nəzər salaq.
Sahil Babayev nazirlikdəki təcrübəli işçiləri işdən uzaqlaşdıraraq yerinə qohum-əqrəbasını təyin edib.

Sahil Babayev qohumu Cahandar Babayevi DSMF-nin Binəqədi rayon şöbəsinin müdiri təyin edib.

İndi isə Sahil Babayev DSMF-nin Ağcabədi rayon şöbəsinin müdiri vəzifəsinə Cahandar Axundovun bacanağı Fazil Elman oğlu Əkbərovu təyin edib.
Sahil Babayevin iki bacanağı, Cahandar Axundov və Fazil Ələkbərovu DSMF-nin yerli şöbələrinin müdiri təyin etməsi bu şəxslərin onun qohumları olması ilə bağlıdır. Məlumata görə Cahandar Axundovun və Fazil Əkbərovun həyat yoldaşları ilə nazir Sahil Babayevin kiçik qardaşı Samir Babayevin həyat yoldaşı əmiqızıdırlar. Bacanaqların DSMF-nin şöbə müdirləri təyin olunmasında məhz nazirin kiçik qardaşı Samir Babayevin mövqeyinin əsas rol oynadığı da məlumatda öz əksini tapıb.

Sahil Babayev Əmək və Əhalinin Sosial Müdafiəsi Naziri təyin edildikdən sonra həyata keçirilən kadr təyinatlarında önəmli rolu olan şəxslərin arasında dostu “Kia Motors Az” MMC-nin faktiki rəhbəri Səxavət Səfərov önəmli rol oynayır.

Bir sözlə, Sahil Babayev sabiq nazir Səlim Müslümovdan da çox qabağa gedib.

Nazirlikdə keçirilən tenderlərin qohum-əqrəba, dost-tanış arasında bölüşdürülməsi də nazirlikdə adi hal alıb.

Redaksiyamıza daxil olan məlumata görə, nazir Sahil Babayevin həyat yoldaşı da nazirliyin tenderlərində iştirak edir. Nazirin xanımına məxsus şirkətə 30 milyon nə üçün verilib ?

Ayağı amputasiya olunmuş şəxslər üçün xarici protezləri hansı şirkət ölkəmizə gətirəcək ?

Araşdırmamız davam edir. Bizi izləyin.
/gundelik-baku.com/

Daha çox xəbər