Birinci Qarabağ müharibəsinin veteranları Şəmkir rayonu Ağlavaşlı kənd bələdiyyəsindən şikayətçidirlər.

KONKRET.az-a daxil olan şikayət məktubunda müharibə veteranları iddia edirlər ki, adıçəkilən kəndin bələdiyyə sədri Mehtiyev Elşən Mehti oğlu idarənin balansında olan 700 hektar torpaq sahəsini öz mənfəəti üçün istifadə edir. 10-a yaxın müharibə veteranı Elşən Mehtiyevin 1992-1999-cu illər ərzində kolxoz sədri işlədiyini, 1999-cu ildən bu günə qədər isə kənd bələdiyyəsinə rəhbərlik etdiyini bildirir. Şikayətçi Yalçın Rzayev deyir ki, bələdiyyə sədrindən icarəyə torpaq istəsələr də cavab mənfi olub. Şikayətçilər iddia edir ki, icarəyə torpaq vermək üçün bələdiyyə sədri onlardan 3-4 min manat məbləğində rüşvət istəyib. Bundan əlavə iddialara görə bələdiyyə sədri Elşən Mehtiyev və qardaşları kəndin torpaqlarını zəbt edərək, özləri üçün fermer təsərrüfatı, istixanalar, meyvə bağları və digər sahibkarlıq subyektləri yaradıblar.

İddialar arasında bələdiyyə sədrinin xaricdən alınan 1000 baş iribuynuzlu, 3 min baş isə xırdabuznuz cins heyvanın satılaraq pulunun mənimsənilməsi faktı da yer alıb. Şikayətçilər bir çox aidiyyatı qurumlara, o cümlədən icra başçısı Alimpaşa Məmmədova müraciət etsələr də, heç bir nəticə hasil olmayıb. İndi onlar Baş Prokuror Kamran Əliyevə müraciət edərək, bələdiyyə sədrinin korrupsiya əməllərinin araşdırılmasını xahiş edirlər və problemlərinin tez bir zamanda həll olunacağına ümidlidirlər.

Müşviq Tofiqoğlu

KONKRET.az

P.S. Yazıda adı keçən tərəflərin mövqeyini dərc etməyə hazırıq.

Birinci Qarabağ qazisi ve veteranları:

Hüseynov ülvi

Quliyev məftun

Abılov Hamlet (0506373059)

Qasımov Tahir

Rzayev Yalçın (0516081934)

Əliyev sahil

Həsənov Naib (0505091530)

İsgəndərov Əfqan (0503837961)