Türkiyənin Ordu rayonunda zərgərlər ciddi problemlə üzləşiblər.

Millitv.az Türkiyə mediasına istinadən xəbər verir ki, artıq bu işlə məşğul olan həyəcan təbili çalıblar. Maraqlıdır ki, zərgərlər alıcılardan daha çox bu məsələdən narahat olmağa başlayıblar. Onlar demək olar ki, bütün qızıl məhsullarının saxtası olduqlarını qeyd edirlər.

Bildirilir ki, hazırlanan saxta məhsulu qızıldan ayırd etmək olduqca çətindir, ona görə də, saxtakarların tələsinə düşən insanların sayı demək olar ki, günü-gündən artır. Qızıl mütəxəssisləri saxta ilə əsl qızılı bir- birindən ayırmaq üçün məsləhətlər də veriblər: " Saxta məhsulu ayırmaq üçün qızılı kəsmək lazımdır. Saxtalar sərt olur və kəsilmir".