Erməni tərəfi hələ də Qarabağ məsələsi ilə bağlı uğursuz siyasət aparır.

Oxu.Az news.am portalına istinadən xəbər verir ki, bu fikirləri jurnalistlərə açıqlamasında erməni hüquqşünas Larisa Alaverdyan deyib.

Onun sözlərinə görə, bunun bariz nümunəsi beynəlxalq ictimaiyyətin Qarabağı Azərbaycan ərazisinin bir hissəsi kimi tanımasıdır.

“Ermənistan tərəfi öz mövqeyini beynəlxalq ictimaiyyətə çatdırmaq üçün heç nə etmir. Hətta aprel döyüşlərdən üç il keçməsinə baxmayaraq, biz Azərbaycana hüquqi tələblərimizi ifadə edə bilməmişik”, - hüquqşünas əlavə edib.

O qeyd edib ki, erməni reallığında bu gün iki mövqe var, bunların reallaşması status-kvonun dəyişməsinə və regionda gərginliyin artmasına səbəb olacaq.

“Əgər Levon Ter-Petrosyan ərazilərin geri qaytarılmasını istəyirdisə, “Sasna tsrer” partiyası Qarabağın Ermənistana bilərşdirilməsini istəyirdi. Hər iki mövqe regionda status-kvonun dəyişməsinə və münaqişənin qızışmasına səbəb olacaq. Qalan siyasi qüvvələr isə Ermənistan XİN-in mövqeyini səsləndirir”, - o bildirib.