Slovakiya rus diplomatı ölkədən qovub.
Axar.az xəbər verir ki, bu barədə Slovakiyanın Baş naziri Peter Pelleqrini bildirib.
“Hərbi kəşfiyyatdan daxil olan məlumata əsasən, 22 noyabr 2018-ci il tarixində Rusiya Federasiyası səfirliyinin hərbi attaşe aparatının diplomatı ölkədən qovulub. O, arzuolunmaz şəxs elan edilib, çünki Slovakiya və NATO əleyhinə kəşfiyyat fəaliyyəti ilə məşğul olub”, - baş nazir qeyd edib.
Rus diplomat arzuolunmaz şəxs elan olunduqdan 48 saat sonra ölkəni tərk edib.
