5 yaşlı uşaq ticarət mərkəzində yıxılaraq ağır xəsarət alıb.

Millitv.az Primetime.az a isdinaden xəbər verir ki, Məhbubə Əsgərova dərhal xəstəxanaya yerləşdirilib. Hazırda vəziyyəti orta-ağırdır.

Məhbubə Əsgərovanın valideyninin Primetime.az-a verdiyi məlumata görə, o qızını uşaqlar üçün nəzərdə tutulan meydançada oynamağa təhvil verib. Özü isə ticarət mərkəzinin digər mərtəbəsində olub. Qəfildən valideyni çağırıblar ki, uşağın huşu gedib. Səbəbi soruşduqda məlum olub ki, körpənin başı bərk hissəyə dəyib və çatlayıb. Valideyn iddia edir ki, ticarət mərkəzinin bu hissəsində yumşaq döşəmə olmalı imiş, amma yoxdur.

“Artıq uşaq iki gündür xəstəxanada olsaq da, nə polis əməkdaşları, nə də ticarət mərkəzinin nümayəndələrindən heç kim baş verən hadisə ilə maraqlanmayıb” – deyə, valideyn əlavə edib.

Hadisə ilə bağlı Gənclik Mall ticarət mərkəzinin mövqeyini öyrənmək istəsək də, səylərimiz nəticəsiz qalıb.

Uşağın fotolarını sizə təqdim edirik: