“Kontakt Home” mağazalar şəbəkəsi ilə bağlı sosial şəbəkədə daha bir şikayət yayılıb.
Pravda.az xəbər verir ki, “Kontakt Home” mağazasından ilkin ödənişsiz kreditlə qulaqcıq almaq istəyən müştəridən ilkin ödəniş üçün 6 manat tələb edilib.
Şikayətçi bildirib ki, mağazadan məhsulu 6 aylıq kreditlə almaq istəyib: ““Qara cümə” olduğunu səbəb gətirərək bizdən ilkin ödəniş olaraq 6 manat tələb etdilər. Bir neçə gündür, onlayn çat vasitəsilə mağazanın əməkdaşları ilə danışırıq, məhsullar haqqında məlumat alırıq. İlkin ödəniş barədə bizə məlumat verməyiblər. Məhsullar faizsiz, ilkin ödənişsiz olaraq təqdim edilir. Bu barədə “Kontakt Home”a müraciət edəndə cavab olaraq dedilər ki, “yəqin, işçilərimiz ilkin ödəniş haqqında məlumatları olmadığı üçün sizə yanlış məlumat veriblər...””
Müştərinin paylaşımına “Kontakt Home” belə açıqlama verib: “Yaranmış anlaşılmazlıqla bağlı təəssüf edirik. Öz növbəmizdə müraciətinizi araşdırıb sizə ətraflı məlumat təqdim edək”.
