Baxın, indi Qəzzaya su, elektrik verilmir. Haradadır insan haqları? İnsan Haqları haqqında Ümumi Bəyannaməyə görə, siz suyu kəsə bilməzsiniz! ABŞ-ın təyyarədaşıyan gəmisinin İsraildə nə işi var? Nə etməyə gəlir?
Bu sözləri Türkiyə Prezidenti Rəcəb Tayyib Ərdoğan Avstriya federal kansleri Karl Nehammerlə görüşündən sonra mediaya açıqlamasında deyib.
“Suriyada ABŞ bazasının nə işi var? Bu bazalarda nə edilir? Təəssüf ki, Türkiyənin bir PUA-sını ABŞ hədəf alır. Türkiyə ABŞ-ın NATO müttəfiqi deyilmi? Bunu nə ilə izah edək? ABŞ terror təşkilatlarını böyüdür, silahlandırır”, - deyə Türkiyə lideri bildirib.
