DİA.AZ bildirir ki, Bakı şəhər sakini Babayev Balasər Baratəli oğlu tərəfindən Hurriyyet.az saytının redaksiyasına şikayət məktubu daxil olub. Şikayətçi iddia edir ki, illərdir işlədiyi “Baku Stell Company” şirkətində haqsızlıqla üzləşib.
“Man, Babayev Balasər Baratəli oğlu, yazıb sizə bildirirəm ki, illərdir “Baku Stell Company” şirkətində işləyirəm. 6 ay bundan qabaq iş vaxtı əlim valda qalıb, travma almışam, 2 barmağım amputasiya olunub. İllərdir işlədiyim şirkət mənə heç bir köməklik etmədi. Sığorta pulu belə vermədilər.
Mənim xəsarət almamdan sonra 1 nəfər ağır yaranıb, 1 nəfər də ölüb. “Baku Stell Company” şirkətinin rəhbəri Kamal İbrahimov necə edirsə, bütün bu hadisələrin üstü ortülür.
Şirkətə gedib “mənim kağızımı verin, heç olmasa gedim özümə pensiya düzəldim” dedikdə, Şəhla xanım və Cabir müəllim məni təhqir edərək vermirlər. Bu əllə məni kim, necə işə götürsün?! Artıq danışan kimi bizi qara maskalılarla qorxudurlar. Maraqlansaz, görərsiniz ki, bu vəziyyətə salınan işçi tək mən deyiləm.
Xahiş edirəm, mənim şikayətimi işıqlandırıb, sözümü lazımi orqanlara çatdırasınız”.
Qeyd olunan iddia ilə bağlı “Baku Stell Company” şirkətinin rəhbrliyi ilə əlaqə saxlamaq istəsək də, zəngimizə cavab verilmədi.
Redaksiyadan: Qarşı tərəfin mövqeyini dərc etməyə hazırıq.
