Fövqəladə Hallar Nazirliyinin (FHN) Dövlət Yanğından Mühafizə Xidməti rəisinin köməkçisi Zaur Mirzəyevlə bağlı qalmaqal hələ də müzakirə mövzusudur.

Müzakirələrdə fövqəladə nallar naziri Kəmaləddin Heydərovun istefaya göndəriləcəyi, yaxud da nazirliyin ləğv ediləcəyi barədə iddialar səsləndirilir.

Kəmaləddin Heydərov hələ hakimiyyət komandasının yenilənməsi mərhələsinin başlanğıcında diqqət mərkəzində idi. Hesab edilirdi ki, artıq "fövqəlnazir”in də karyerasına son qoymağın vaxtı çatıb. Bu barədə mediada müxtəlif məlumatlar yayılır, iddialar səsləndirilirdi.

Lakin Kəmaləddin Heydərov bu dalğada özünü qoruya bildi. Ramiz Mehdiyev, Əli Həsənov və hakimiyyətin bu kimi digər odioz fiqurları vəzifələrini itirsə də, cənab Heydərova toxunulmadı. Bundan sonra FHN-nin ləğvi məsələsi gündəmə gəldi. Bu məsələ barədə indi də danışılır.

Bildirilir ki, Kəmaləddin Heydərov da keçmiş nəqliyyat naziri Ziya Məmmədov kimi yola salınacaq. Yəni, FHN ləğv edilərək tabeli qurumları müvafiq nazirliklər arasında bölüşdürüldükdən sonra Kəmaləddin Heydərov işsiz qalacaq.

FHN 2006-cı ildə yaradılıb. Qurum yaranandan Kəmaləddin Heydərov onun rəhbəridir. Yəni o, artıq 16 ildir nazirdir. Bundan əvvəl isə 11 il Dövlət Gömrük Komitəsinə rəhbərlik edib.

FHN Azərbaycanda ən iri qurumlardan hesab edilir.

Hazırda FHN-nin tərkibində 19 qurum fəaliyyət göstərir. Bunlar aşağıdakılardır:

Dövlət Yanğından Mühafizə Xidməti

Dövlət Yanğın Nəzarəti Xidməti

Mülki müdafiə qoşunları

Tikintidə Təhlükəsizliyə Nəzarət Dövlət Agentliyi

Sənayedə İşlərin Təhlükəsiz Görülməsi və Dağ-Mədən Nəzarəti Dövlət Agentliyi

Su Ehtiyatları Dövlət Agentliyi

Nüvə və Radioloji Fəaliyyətin Tənzimlənməsi üzrə Dövlət Agentliyi

Kiçikhəcmli Gəmilərə Nəzarət və Sularda Xilasetmə Dövlət Xidməti

Xüsusi Riskli Xilasetmə Xidməti

Xəzər Hövzə Qəza-xilasetmə Xidməti

Böhran Vəziyyətlərində İdarəetmə Mərkəzi

«İzotop» xüsusi kombinatı

Əməliyyat-istintaq idarəsi

Əsaslı Tikinti idarəsi

Maddi-Texniki Təchizat İdarəsi

Aviasiya dəstəsi

Fövqəladə Hallar Nazirliyinin Akademiyası

İdman-sağlamlıq klubu

Tibb Xidməti

Bundan başqa, nazirliyin 9 regional mərkəzi var:

Bakı Regional Mərkəzi

Sumqayıt Regional Mərkəzi

Şimal-Qərb Regional Mərkəzi

Şimal Regional Mərkəzi
Ətraflı
Ads by
0
Reklamınızı SmartBee ilə effektiv edin.

Gəncə Regional Mərkəzi

Aran Regional Mərkəzi

Muğan Regional Mərkəzi

Qarabağ Regional Mərkəzi

Cənub Regional Mərkəzi

Nazirliyin strukturuna gəlincə, qurumda 8 baş idarə və 6 idarə fəaliyyət göstərir:

Fövqəladə halların xəbərdar edilməsi və daxili təhlükəsizlik Baş İdarəsi

Fövqəladə halların nəticələrinin aradan qaldırılması işinin təşkili Baş idarəsi

Kadr siyasəti Baş idarəsi

Maliyyə-iqtisadiyyat Baş idarəsi

Baş əməliyyat idarəsi

Mülki müdafiə işinin təşkili Baş idarəsi

Regional mərkəzlərlə işin təşkili, layihələrin idarə edilməsi və təhsil məsələləri üzrə Baş idarəsi

Rəqəmsal texnologiyalar və innovasiyaların inkişafı Baş idarəsi

İdarələr isə aşağıdakılardır:

Hüquq idarəsi

İctimaiyyətlə əlaqə idarəsi

Beynəlxalq əlaqələr idarəsi

Sənədlərlə və vətəndaşların müraciətləri ilə iş idarəsi

Komendant xidmətinin təşkili və texniki təminat idarəsi

Nəzarət-təftiş idarəsi

Kəmaləddin Heydərov həm də ən çox müavini olan nazirdir. Onun hazırda 8 müavini var:

Rəfail Xalid oğlu Mirzəyev (Birinci müavin)

Faiq Cavad oğlu Tağı-zadə

Etibar Böyükbəy oğlu Mirzəyev

Ragim Əhəd oğlu Lətifov

Orucəli Məmməd oğlu Hacıyev

Teymur Ramiz oğlu Mehdiyev

Tapdıq Əhliman oğlu Əmiraslanov

Nazim Xeyrulla oğlu Məmmədov

Ekspertlər hesab edir ki, FHN-nin bu qədər "şişirdilməsinə” ehtiyac yoxdur. Yeri gəlmişkən, nazirlik yaradılmamışdan əvvəl Nazirlər Kabinetində Fövqəladə Hallar üzrə Komissiya fəaliyyət göstərib.Qaynarinfo