Zərdab rayon Çallı kənd sakini, Qarabağ müharibəsi veteranı Həmidov Sahib Sabir oğlu tərəfindən ölkə rəhbərliyinə şikayət ünvanlanıb. Bir nüsxəsi də DİA.AZ-a daxil olan müraciətdə deyilir:
"Əvvəlcədədn qeyd edim ki, Birinci Qarabağ müharibəsinin könüllü iştirakçısıyam. Hal-hazırdada Qarabağ müharibəsi veteranıyam

2019-cu ilin yanvar ayında «Özünüməşğulluq proqramı»na qoşulanda Allah bilir nə qədər sevindim. Çünki kənd yerində iş tapmaq çox çətindir. 0,70 hektar pay torpaq sahəsiində 5 nəfərdən ibarət ailəni saxlamaq isə çox çətindir. Ona görədə fikirləşirdim ki, heyvanları alandan sonra özümündə məşğulluğum olar. Eyni zamanda bir müddətdən sonra heyvanları artar ailəmin yaşayışı üçün ehtiyacınnıda ödəyər. Bu sevinclədə proqramın kurslarında iştirak etdim. 2020-ci ilin oktyabr ayında heyvanlar verildi. Heyvanlar qapıya gələn gündən zəif olduqları aydın görünürdü. Lakin fikirləşdim ki, olan şeydi. Yaxşı baxacam, kökələcəklər. Beləcə 2021-ci ilin aprel ayında heyvanın biri öldü.İnəyin ölmüş vəziyyətdə şəkli, kənd icra nümayəndəsinin və rayon baytarlıq idarəsinin imzaları və peçatları ilə təsdiq olunmuş arayışları Zərdab Rayon Məşğulluq Mərkəzinə.təhvil verdim. İkinci inəkdə suni mayalanma olmuşdu. Doğmağına bir müddət qalmış ölü balası oldu. Baxmağa gələn baytarda dedi ki, heyvan xəstədir. Belə xəstə heyvanlar qarnında balasını uzağı 6 ay müddət saxlayır. Belə heyvanların sağlam balası olmur. Mütləq bunların balası ölü olur..Ölü balası olandan bir müddət sonra ikinci inəkdə öldü. Birinci inək öləndən sonra mənim müraciətim əsasında Dövlət Məşğulluq Agentliyinin Kürdəmir Regional Mərkəzindən nümayəndə kimi iki cavan oğlan qapıma yoxlamaya gəldi. Əgər buna yoxlama demək olarsa. Mən onlara dedim ki, verilən inək ölüb. Kürdəmirdən gələn nümayəndələr bir-birinə baxıb gülüşərək dedilər ki, başın sağ olsun. Heyvandıda ölüb neynəmək olar. Mən müharibə veteranı olduğumu bildirərək qeyd etdim ki, bu heyvanlara qapıya gəldiyi gündən otun vermişəm, yemin vermişəm. Hələ onlara çəkilən əziyyəti demirəm.verdiyim otun və yemin pulunu haardan və kimdən alacam. bu heyvanları mən almışdım ki, xeyir görəm. saxlayıb artıram. Ailəmin ehtiyaclarını ödəyəm. Mənə cavab verdilər ki, «Nə olsun ki, veteransan, başının və gözünün sadağası olsun. Kimdi sənə heyvan verən. O qədər belə verilən heyvanlar ölüb. Özünüməşğulluq proqramında ölən heyvanların əvəzi verilmir..Az qaldım ki, həmin şəxsləri qapıdan qovam ki, Sizi bura müraciəti araşdırmağa göndəriblər yoxsa məni məsxərəyə qoymağa gəlmisiniz? İndidə müraciət edirəm ki, mənə verdiyiniz inəyin ikisidə ölüb. Yerinə heyvan vermirsiniz, heç olmasa yoldaşımı «özünüməşğulluq proqramı»ndan yararlanmağa imkan verin. Cavab verirlər ki, mümkün deyil. Ailənin bir üzvü bu proqramdan yararlan bilər. Mən elə çox yararlandım qaldı yoldaşım. İki inək verilmişdi. kisidə olüb..Nə araşdıran var nədə yoxlayan

Mən mətbuat vasitəsi ilə sizdən kömək istəyirəm.Xahiş edirəm mənim bu müraciətimi nəzarətinizə götürəsiniz və bu problemimin həll edilməsində mənə köməklik edəsiniz".

İddia olunanlarla bağlı dia.az olaraq bütün maraqlı tərəfləri dinləməyə hazırıq...