Bir müddətdir ki, İcbari Sığorta Bürosunda baş verən qanunsuzluqlarla bağlı dərc etdiyimiz məlumatlar İSB tərəfindən nə təkzib, nə də təsdiq edilir.Ya deməyə sözləri yoxdur, ya da mətbuatla işləmək qabiliyyətində deyillər.
Redaksiyamıza daxil olan məlumatlara görə adıçəkilən qurumda çalışmış və hüquqları pozulmuş bir qrup vətəndaş yuxarı instansiyalara müraciət edərək kömək istəyiblər.Müraciətin mətnini əldə edərək qısa ixtisarla dərc edirik.
"İşlədiyi qurumda yol verdiyi qanun pozuntuları, eləcə də vəzifə səlahiyyətlərindən sui-istifadə barəsində kifayət qədər sübutlarla hazırlanmış xəbərlərin ictimailəşməsinə baxmayaraq Rəşad Əhmədov haqqında sığorta sektoruna nəzarət funksiyasını həyat keçirən Mərkəzi Bank tərəfindən heç bir tədbir görülməmişdir. İcraçı direktorun qanun pozuntuları, eləcə də vəzifə səlahiyyətlərindən kobudcasına sui-istifadə etməsinə dair Mərkəzi Banka dəfələrlə Büronun əməkdaşları tərəfindən müraciət edilməsinə baxmayaraq müraciətlər nəinki cavabsız qalmış, hətta heç baxılmamasına dair faktlar var.
Gələk Mərkəzi Bankın Rəşad Əhmədova verdiyi sərhədsiz səlahiyyətlərə. Rəşad Əhmədov İcbari Sığorta Bürosunun icraçı direktorudur və eyni zamandada maraqlı şəxs olmasına baxmayaraq 2020-ci ilin sentyabr tarixindən Standard İnsurance sığorta şirkətinin ləğvetmə komissiyasının sədri təyin edilmişdir, yəni qanunvericiliyə, eləcədə Korrupsiyaya Qarşı Mübarizə haqqında Qanunun 9.3.1 maddəsinə zidd olmasına baxmayaraq (xidməti vəzifəsini (səlahiyyətlərini) icra etdiyi dövrdə elmi, pedaqoji və yaradıcılıq fəaliyyəti istisna olmaqla, digər ödənişli vəzifə tutmaq və ya fəaliyyət növü ilə məşğul olmaq) iki vəzifəni eyni zamanda daşımaqdadır. Beləliklə “Standard Insurance” Sığorta Şirkəti kimi ləğv edilən qurumda qərarverici şəxslə bütün sığorta ödənişləri həyata keçirməyə məsul olan İcbari Sığorta Bürosu Rəşad Əhmədovdur, yəni eyni adamdır. Başqa sözlə, vətəndaşlara qəza hadisələri ilə bağlı kompensasiyaların ödənilməsi zamanı qərar verənlə vəsaiti ödəyən adam eynidir, yəni maraqlı tərəfdir. Direktorun iki öhdəliyi birdən öz üzərinə götürməsi və ya bütün səlahiyyətlərin nəyə əsasən bilərəkdən bir şəxsə verilməsinə mötəbər qurum sayılan Mərkəzi Bankın birinci müavini sığorta sektorunun baş kuratoru Alim Quliyev tərəfindən göz yumulması da haqlı şübhələrə yol açır.
Eyni zamanda diqqətə çatdıraq ki, İSB-də vəzifə maaşı 10 min manat olmasından gözü doymayan rəhbər səlahiyyətlərindən sui-istifadə edərək özünə “Standard İnsurance” sığorta şirkətindən də yüksək əmək haqqı təyin edərək xalqın pullarını mənimsəməkdədir.
Keçək “Standard İnsurance” sığorta şirkətinin ləğvetmə prosesində baş verən özbaşınalıqlara. Bildiyiniz kimi ləğvetmə prosesində olan qurumların əmlakları qanunvericiliyə uyğun olaraq hərraclar vasitəsilə satışa çıxarılmaqdadır. Araşdırmamız nəticəsində bəlli olmuşdur ki, əmlakların satışı ilə bağlı ilk öncə Rəşad Əhmədov öz qrup yoldaşı olması ehtimal edilən Xaliq Qurbanovun rəhbəri olduğu Bakı Hərrac Mərkəzi ilə xidməti müqavilə bağlayır. Lakin hərracda baş verən özbaşınalıqlar ictimailəşdikdən sonra ehtiyyat igidin yaraşığıdır deyib keçir Əmlak Hərrac Mərkəzi ilə əməkdaşlıq etməyə. Hərracda satılanlardan biri də “Standard İnsurance” sığorta şirkətinə məxsus elektron avadanlıqlar və ofis mebellərindən ibarət inventar olur. Hərrac vasitəsilə bu inventarlar üzrə qalib alıcı Kamil Heybətov müəyyənləşir. Və prosesə uyğun olaraq alıcı beh və əsas məbləği “Standard İnsurance” sığorta şirkətinin hesabına tam şəkildə ödəyir. Lakin sonradan inventarların təhvil alınması zamanı hərracda satılan siyahı üzrə inventarların heç də reallığı əks etdirmədiyi alıcı tərəfindən müəyyən edilir. Bu zaman isə malların qaytarılması, eləcə də ödənmiş vəsaitin geri qaytarılması Rəşad Əhmədovdan tələb edilir. Son dövrlər vəziyyətinin onsuzda gərgin olduğunu düşünən R.Əhmədova alıcılara şikayət etməmələri qarşılığında əsas vəsaitlərin satışı üzrə hərracların keçirilmə qaydalarına zidd olmasına baxmayaraq, ödənilmiş vəsaitin tam şəkildə onlara geri qaytarılacağına boyun olur. Lakin incə məqamı diqqətinizə çatdıraq - ölkə tarixində heç bir zaman hərracdan alınmış əmlakdan imtina əsasında alıcıya nəinki ödədiyi bütöv məbləğ, heç behi belə geri qaytarılmır. Lakin sərhədsiz və nəzarətsiz səlahiyyətlərə malik rəhbər qəbul edilmiş qaydaların və ipoteka haqqında qanunun əksinə gedərək vəsaiti tam şəkildə alıcıya geri qaytarır. Mütəxəssislərin rəylərinə əsaslanaraq deyə bilərik ki, satılan inventarların satıldıqdan sonra həyatda olmadığının anlaşılması və qəbul edilmiş qaydalardan qırağa çıxaraq qurumun vəsaitini öz şəxsi vəsaiti hesab edərək geri qaytarması son zamanlar Rəşad Əhmədovun səriştəsiz fəaliyyətinə dair qınaqlarımızda haqlı olduğumuzu bir daha sübut edir. Bu kimi hallara əsaslandıqda məsuliyyətin təkcə Əhmədovda deyil, eləcə də onun səriştəsiz komandasında olması ehtimalıda yaranır.
Korrupsiyaya qarşı mübarizənin vüsət aldığı indiki dövrdə Rəşad Əhmədov kimi səriştəsiz və korrupsioner məmura Mərkəzi Bankın maraqlı şəxsləri tərəfindən buqədər əhəmiyyətli səlahiyyətlərin verilməsi bir vətəndaş gözündən baxdıqda çox təəssüfedicidir. Ümid edirik ki, cənab Prezidentin hər zaman bildirdiyi kimi ictimai qınaq öz yerin tapacaqdır."
Məlumat üçün qeyd edirik, artıq İSB-də baş verənlər məhkəmə müstəvisinə daşımaqdadır. Belə ki, hüquqları pozulan və işindən qanunsuz çıxarılan Qənbərov Mənsur Nizami oğlu Yasamal Rayon Məhkəməsinə müraciət edib. Məhkəmə prosesinə hakim Toğrul Axundovun rəhbərliyi ilə start veriləcək. Məhkəmədə baş verənləri mütəmadi olaraq izləyib dəyərli oxucularımızı məlumatlandırmağı planlaşdırırıq.
Bizi izləməkdə davam edin....

Stimulxeber.az