Xərçəng ( rak ) sözü insanlarda ümidsizlik, əlacsızlıq, müalicəsi mümkün olmayan bəla kimi başa düşülür. Hətta, bu sözün özü insanlarda dəhşətli depressiya yaradır. Məlumdur ki, müasir tibb elmi bu xəstəliyin qarşısında acizdir.
El arasında əvvəllər buna “qara yara” deyərmişlər.
Belə bir bəladan milyonlar qazananlar da var. Bunlardan biri də Azərbaycan Respublikasi Səhiyyə Nazirliyi Milli Onkologiya Mərkəzinin Baş direktor müavini Kəmaləddin Qafarovdur.
Bu adam milyonlarla ailəyə bədbəxtlik gətirən bəladan milyonlar qazanır. Bu adam özü Azərbaycan səhiyyəsinin qara yarasıdır.
Bu adam kimdir ?
Necə və hansı yolla ölkənin Milli Onkologiya Mərkəzinin Baş direktor müavini olub ?
Bu adan hansı yolla 2 dəfədir ki, Milli Məclisə üzv seçilir ?
Bu adamın tərcümeyi-halına nəzər salaq.

Bu adam Bakıda kimya-biologiya təmayüllü məktəbi bitirb və Naxçıvanda universitetdə meyvə-tərəvəzçilik və üzümçülük fakültəsini bitirib.
Adama deyərlər ki, Bakıda məktəbi bitirən məzun necə olur ki, gedib Naxçıvanda, özü də meyvə-tərəvəzçilik, üzümçülük fakültəsini bitirir.
Və sonra gəlib Milli Onkologiya Mərkəzində rəhbər olur.
Milli Onkologiya Mərkəzində minlərlə xəstə, hətta uşaqlar müalicə olunmaq ümidi ilə gözləyir. Kəmaləddin Qafarov isə, bu xəstələrdən milyonlar qazanır.
Prezident İlham Əliyevin bir sözü son vaxtlar az qala zərb-məsələ çevrilib: Xalqdan qorxmursunuz barı Allahdan qorxun.
Kəmaləddin Qafarov kimilər heç Allahdan da qorxmur.
Milli Onkologiyadan sonra 2015-ci ildə Binəqədidən Milli Məclisin deputatı seçilib.
Bu adam “AzəriMed” şirkətinin sahibidir.
Onkoloji xəstədən ilk müraciət zamanı 500 manata yaxın pul alırlar. Sonra kimyaterapiya üçün 300 manat, sonra şüa qəbulu 1000 manat, sonra pozitron-emissiya tomoqrafiyasına görə 1500 manat, sonra...
İndi isə Kəmaləddin Qafarovun şirkətlərinin siyahısına nəzər salaq.
Yuxarıda qeyd etdiyimiz kimi, Qafarov “AzəriMed” şirkətinin rəhbəridir. Milli Onkologiya Mərkəzi (MOM) qanunla müəyyən olunmuş qaydalarını aşkarcasına pozaraq, “AzəriMed” şirkəti ilə heç bir tender olmadan 43 milyon manatlıq alqı-satqı aparıb. Təsəvvür edin, K.Qafarov həm dövlətin 43 milyon vəsaitini verib-alandır, həm də öz şirkətinin 43 milyon manatlıq malını satan.
Milli Onkologiya Mərkəzi (MOM) “Azeri Med” MMC ilə tibbi ləvazimatlar, sarğı materialları, dərman preparatlarının alınmasına dair 10 mln. 120 min manatlıq müqavilə imzalayıb.
2018-ci ilin yanvarından MOM “Azeri Med” MMC ilə tibbi ləvazimatlar, sarğı materialları, dərman preparatlarının alınmasına dair ümumi dəyəri 29 mln. 617,6 min manat ($17,4 mln.) olan müqavilələr imzalayıb.
Kəmaləddin Qafarov “Zəfəran” apteklər şəbəkəsinin sahibidir.
Bunlara qane olmayan Qafarovlar ailəsi həm də “VERSAL PALACE” MTK-ya sahibdir, Ağ Şəhərdə binalar tikir. Qafarovun xeyli biznesini yaxın qohumu Canilya Qafarova idarə edir.
Yəni bu adam “xərçəng”dən milyonlar qazanır.
Amma unutmaq lazım deyil ki, bu dünyada bir ilahi ədalət var. Və bir gün o sənin yaxandan yapışacaq, cənab üzümçü-onkoloq Qafarov. //gundelik-baku.com//