Azərbaycan Yazıçılar Birliyi (AYB) 2021-2022-ci illər üçün yeni Prezident təqaüdçülərinin siyahısını hazırlayır. Siyahı fevral-mart aylarında hazır olacaq.
Bu barədə AYB-nin sözçüsü Xəyal Rza deyib.
Xəyal Rza bildirib ki, bu vaxta qədər təqaüdə layiq görülənlərin ikinci dəfə bu siyahıya salınması mümkün deyil, çünki buna icazə verilmir. Ənənəvi qaydada olaraq təqaüd bir il müddətinə nəzərdə tutulub.
Məlumat üçün qeyd edək ki, Prezident təqaüdü alacaq yazıçı və şairlərdən 50 nəfəri yaşlı, 20 nəfər isə gənc nəsilin nümayəndəsidir. Gənc yazarlar üçün təqaüd 200, yaşlı nəsil yazarlar üçün 300 manat müəyyən olunub.
