Redaksiyamıza göndərilən bir qrup Goranboy rayon sakininin müraciətində deyilir ki, rayonun icra başçısının qəbuluna düşmək əməlli-başlı cəncələ çevrilib.

Sakinlər dia.az-a yazır: "Heç olmasa əvvəlki başçı ara-sra da olsa camaatın arasına çıxır, şikayətləri dinləyirdi. Məhərrəm Quliyev isə başçı gələndən onun qəbul günləri ümumiyyətlə keçirilməyib. Bir-iki dəfə səyyar qəbul keçirdi, İşi bunla bitmiş oldu. Başı bərk qarışdığından, daha çox yerli sahibkarlara divan tutmaqla ad çıxardığından, işi-gücü də bundan ibarət olduğundan şikayətçi dinləməyin də marağında deyil".

Sakinlər dia.az-a yazır ki, dünən başçının qəbluna düşmək istəyən bir neçə şikayətçi RİH-in binası qarşısından zorla uzaqlaşdırılıb: "Hər günümüz belədir. Əgər bu adam goranboylularla maraqlanmayacaqdısa, nədən bizim rayona rəhbər gəlirdi..."(dia.az)