Sumqayit ş. Corat qəs. H. Salayev 6 ünvanda yaşayan Şirin Vüqar Arif oğlu Euroklima MMC-nin yarıtmaz işindən və ona vurduğu külli miqdarda ziyandan şikayətçidir. Vüqar Şirinin redaksiymıza göndərdiyi şikayət məktubunda deyilir:
“Mən 2018-ci ilin may ayinda ciller tipli kondisionerin təmiri üçün Euroklima MMC-yə (ünvan Baki Əhməd Rəcəbli 229) müraciət edərək usta sifariş etdim. MMC-dən gələn ustalar kondisionerin frionunun olmadığını bildirdilər. Lakin frion vurmaqdan əvvəl kondisioerdə sizmanın olub olmadığının yoxlanmasının vacib olduğunu bildirdilər. Mən onlara 500 AZN ödəniş etdim. Qarşılığında isə heç bir qəbz vermədilər.
Kondisioner 2018-ci ilin yay mövsümünü islədikdən sonra biz onu istifadə etmədik. 2019-cu ilin may ayinda yenidən kondisioneri işə salmaq istədikdə məlum oldu ki, frion yoxdur. Yenidən Evroclima MMC-dən usta çagırıb frion vurdurdum və 240 AZN ödəniş etdim,yenə də kassa qəbzi vermədilər. Lakin 2 aydan sonra yenə kondisioner işləmədi. Məlum oldu ki, mikrosızma nəticəsində frion uçub. Yenə oradan usta çağırıb frion vurdurdum və yenə də 200 AZN ödədim yenə rəsmi maliyyə sənədi vermədilər. Usta dedi ki, mikrosizmanin qarşısı alınmasa yenə uçub gedəcək çünki sizmaların qarşısı tam alınmayıb. Ona görə də yenidən Euroklia MMC-yə müraciət etdim ki, usta göndərib nasazlığı aradan qaldırsınlar. Çünki gördükləri iş tamamlanmayıb. MMC-nin növbətçi operatoru Qədiməliyev Vidadi müdriyyətlə məsləhətləşib mənə dedi ki, onların sifarişləri çoxdur, gələ bilməyəcəklər.Mən təkid etdim ki, nə qədər lazımdırsa 1 ay, 2 ay, 3 ay gözləyə bilərəm. Eyni zamanda istehlakçı hüquqlarıma hörmətlə yanaşmağı tələb etdim. Əks halda şikayət edəcəyimi bildirdim. Lakin mənə imtina etdilər. Dedilər ki, hara istəyirsən şikayət et!”.
Qeyd edək ki, vətəndaşın şikayətini araşdırmaq üçün Euroklima MMC-yə zəng etsək də cavab ala bilmədik.Amma kondisioner təmiri zamanı bu kimi halların çox yaşanmasının hamı şahidi olur. Bir iki şey öyrəndikdən sonra özünə usta deyən hər kəs ev sahibinin boğazından kəsib aldığı hər hansı bahalı bir avadanlığı yararsız vəziyyətə sala bilir. Sonra da cəzalanmadığı üçün üz tutur başqa müştəriləri “bədbəxt etməyə”.
Bizimyol.olaraq bu məsləni diqqətdə saxlayacağıq.
