““Pulunu ver mənə, özün itil cəhənnəmə” prinsiplə işləyənlər barədə dəfələrlə iqtisadiyyat naziri Şahin Mustafayevə rəsmi müraciətlər etsəm də heç bir nəticə yoxdur”
“Yeni Sabah” xəbər verir ki, bunu Azad İstehlakçılar Birliyinin sədri Eyyub Hüseynov deyib. O, bildirib ki, Bakı şəhəri Xətai rayonu Əhmədli qəsəbə sakini Əfəndiyeva Xuraman Qədir qızı ona ərizə ilə müraciət edib. O, bildirib ki, 05.06.2019-cu il tarixində Baku Elektroniks MMC-nin Əhmədli Samsunq mağazasına kondensioner almaq üçün müraciət edib. Müraciətində söyləyib ki, 80 kv sahəni əhatə edən kondensiner istəyir və bunun cavabında Tacəddin adlı satıcı ona AİR COND PANASPNİC CS-BE50TKE-19 tipli kondensioneri təklif edərək söyləyib ki, bu kondensioner 65-70 kv sahəni soyudur.
“Satıcının söylədiklərinə inanaraq dəyəri 1999 AZN olan kondensioneri kreditlə almağa müqavilə bağladım. Mənə müqaviləni yox, yalnız müqaviləyə əlavə olan 1 səhifəni verdilər. Sonra bildiyimə görə 75 AZN dəyərində VİP zəmanət sertifikatı da veriblər, yəni ödəmə cədvəlinə əlavə ediblər.
15.06.2019-cu il tarixində kondensioner mənzildə mağazanın Məhəmməd adlı işçisi tərəfindən qoşulan zaman soruşdum ki, bu kondensioner mənzilin sahəsini soyudacaq. O da məni inandırdı, lakin elektrik xəttinə birləşdirilməmişdir. Mən gördum ki, eyni sahəli mənzilə qoşulan qonşunun kondensioneri böyükdur və kondensionerin pasportunda hansı sahəni ahətə etdiyini axtardım və tapmadığıma görə internetə baxdım.
Mənə təklif edilən AİR COND PANASPNİC CS-BE50TKE-19 tipli kondensionerin Ukrayna, Moskva və Baku Elektroniks MMC-nin saytında 50 kv sahəni soyutduğu göstərilmişdi.
16.06.2019-cu il tarixində mağazaya müraciət etdim və bu kondensionerin 65-70 kv sahə üçün olmadığının yazıldığını söylədim, bunun qarşısında mənə internet səhv yazır biz sizə düzgün vermişik dedilər və cox mübahisələr oldu.
Sonda mənə bu məsələ ilə əlaqədar Baku Elektroaniks MMC-nin rəhbərliyinə ərizə ilə müraciət etmək təklif edidi. Mən 16.06.2019-cu il tarixində ərizə yazdım və kondensionerin dəyişdirilməsini və ya müqavilənin ləğv edilməsini xahiş etdim. Lakin bu günə kimi heç bir xəbər yoxdur.
Xahiş edirəm istehlakcı hüquüumu qoruyasınız, şəbəkəyə qoşulmamış kondensioner təlabatımı ödəyən kondensionerlə dəyişdirilsin və ya müqavilə ləğv olunsun, bu barədə dövlət orqanlarına və KİV-ə məlumat verilsin”.(“Yeni Sabah”)
E. Hüseynov qeyd edib ki, Azərbaycanda "Kontakt Home"nin təcrübəsi başqalarına da sürətlə yayılmaqdadır.
