İstanbulda dəniz reysləri artıq dördüncü gündür ki, təxirə salınıb.

Millitv.az Trend-ə istinadən bildirir ki, reyslərin təxirə salınması barədə Türkiyənın Dəniz nəqliyyatının idarə edilməsi üzrə Təşkilatından bildiriblər.

Reyslərin təxirə salınmasına səbəb İstanbul akvatoriyasında güclü külək və bunun nəticəsində hündür dalğaların müşahidə olunması olub. Sinoptiklər əlverişsiz hava şəraitinin bu gün günboyu davam edəcəyini proqnozlaşdırıblar.

Bildirilir ki, reyslərdə yaranmış bu fasilə ilə əlaqədar isə "Marmara" tuneli gücləndirilmiş iş rejiminə keçib.

Qeyd edək ki, İstanbul akvatoriyasında müşahidə olunan əlverişsiz hava şəraiti ilə əlaqədar dəniz reysləri sentyabrın 25-dən təxirə salınıb.