Rusiyanın Ukraynada xüsusi hərbi əməliyyat (müharibə - red.) keçirməkdən başqa çarəsi yox idi.

Bunu Rusiya Prezidenti Vladimir Putin İctimai Palatanın yeni tərkibi ilə görüşündə deyib.

O vurğulayıb ki, bu gün baş verən hadisələrin açarı məhz budur: "Bu gün Rusiya Donbassda və Novorossiyada hələ də öz tarixini, dəyərlərini, mədəniyyətini və dilini müdafiə edir. Niyə biz bir müqəddəs kimi Aleksandr Nevskiyə belə pərəstiş edirik? Məhz bu seçim üçün idi - o, rus xalqını, sonra isə nəhəng ölkəmizin ərazisində yaşayan bütün xalqları qorumaq haqqında düşünürdü. Bir çox cəhətdən eyni şey baş verir".