Qubanın Qımılqazma kəndinin məşhur bulağı zibilxanaya çevrilib. Gəzintiyə gələnlər təmizliyə riayət etmir, aidiyyəti qurumlar isə problemlə maraqlanmır.
Tribunainfo.az-a bununla bağlı yazan sakinlər bildirib ki, Qımılqazma kəndində olan bulağın ətrafı zibilliyə çevrilib.
Bu kənddən Qubanın mərkəzinə bir neçə km yol olduğu və yol boyu zibil qablarının olmadığı bildirilir.
Zibil qablarının olmaması səbəbindən də istər yerli əhali, istərsə də turistlər əraziləri zibilləyir. Kənddə məişət tullantılarının toplanması və daşınması təşkil edilmir. Sakinlər problemin həlli üçün aidiyyəti qurumlara müraciət etdiklərini bildiriblər. Buna baxmayaraq, heç bir tədbir görülmür.
