“QALA HƏYAT” və digər həyat sığorta şirkətləri mülki-hüquqi müqavilə əsasında əmək funksiyalarını yerinə yetirən şəxslərə sığorta ödənişini verə bilmir.

Mubahise.az xəbər verir ki, “İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta haqqında” Qanunun 3.1.1-ci maddəsinə əsasən 3.1.1-ci maddəsinə əsasən hüquqi şəxslə və ya hüquqi şəxs yaratmadan sahibkarlıq fəaliyyəti ilə məşğul olan fiziki şəxslə Azərbaycan Respublikasının Əmək Məcəlləsinə və ya Azərbaycan Respublikasının Mülki Məcəlləsinə uyğun olaraq bağlanılmış əmək müqaviləsi və ya mülki-hüquqi müqavilə əsasında əmək funksiyalarını yerinə yetirən şəxslər “QALA HƏYAT” Sığorta Şirkətində sığorta olunurlar.

Bundan sonra bəzi işçilər istehsalat zamanı bədbəxt hadisə nəticəsində yaralanır və ya ölüm halı baş verir. Əmək müfəttişliyi Əmək Məcəlləsini rəhbər tutaraq mülki-hüquqi müqavilə əsasında əmək funksiyalarını yerinə yetirən şəxslər barəsində hər hansı bir təhqiqat aparmır və müvafiq sənəd vermir. Sığorta şirkəti isə bu haldan yararlanıb sığorta kompensasiyasını ölən və ya yaralanan şəxslərin ailəsinə ödəmir. Nəticədə ailə başçısını itirmiş himayə olunan şəxslər ağır maddi vəziyyətlə üz-üzə qalır. Nəticədə ailə başçısını itirmiş himayə olunan şəxslər ağır maddi vəziyyətlə üz-üzə qalır, “QALA HƏYAT” Sığorta Şirkəti isə əsassız varlanır.

Burada belə bir sual ortaya çıxır. Bəs mülki-hüquqi müqavilə əsasında əmək funksiyalarını yerinə yetirən şəxslərdən nə üçün killi miqdarda vəsait toplanır və bu vəsaitin taleyi necə həll olunur?(Mubahise.az)

Hazırda bu cür iş Bakı Şəhəri Xətai Rayon Məhkəməsinin icraatındadır.