Yəqin ki, çoxunuz paytaxtın avtobus dayanacaqlarında gördüyünüz monitorların niyə quraşdırıldığını unutmusunuz. Səbəb də odur ki, bu informasiya terminallarının fəaliyyəti çoxdan tarixə qovuşub.
Əvvəllər sərnişinlər bu monitorlar vasitəsilə avtobusların neçə dəqiqədən bir dayanacağa gəldiyini rahatlıqla müşahidə edirdilər. Gedəcəyi yerlərə hansı nömrəli avtobusun yol aldığını da asanlıqla bilmək olurdu. Bu da onların işini xeyli asanlaşdırırdı.
Xarici ölkələrdə monitorlar harada quraşdırılmasından asılı olmayaraq, daim işlək vəziyyətdədir. Yəni avtobuslararası intervalı müəyyən edən sistem sərnişlərin ixtiyarındadır. Türkiyədə belə bu informasiya terminallarının bizdən sonra tətbiq olunmasına baxmayaraq, monitorlar işlək vəziyyətdədir.
