"İcra hakimiyyəti orqanlarının qanunvericiliyin tələblərinə əməl etməməsi, bilərəkdən -bilməyərəkdən qanunu yanlış izah və tətbiq edərək vətəndaşların hüquqlarına qadağa qoyması bü günün qonusu – mövzusu deyil. İnsanlar illərdir sözügedən hüquq korluğundan -nihilizmdən əziyyət çəkirlər. Özəlliklə rayon - şəhər icra hakimiyyəti orqanlarının hüquq şöbələrinin qanundan, hüquqdan xəbərsizliyi ciddi rahatsızlıq doğurur. Təsəvvür edin, rayon hüquq şöbəsinin müdirinin hüququn birinci hərfindən belə anlayışı yoxdur!" Bu barədə DİA.AZ-a daxil olan məqalədə deyilir.
Məqalədə daha sonra bildirilir: "Ağsu RİH Başçısı Aparatının hüquq şöbəsinin müdiri Tofiq Kərimovun başçıdan xəbərsiz başçının adından Prezident Administrasiyasına saxta cavab göndərməsinin gündəmi işğal etməsindən ortalıq iyirmi gün keçir. Gözləmək olardı ki, Ağsu RİH -i gülünc “gündəm qəhramanı” edən hüquq şöbəsinin müdiri qanunsuzluğuna , heç olmasa , bir ay müddətinə “moratorium qoyar”. Amma, sən gözləməyində ol, gör ki, hüquq şöbəsinin müdiri Tofiq Kərimovun gözləməyə nəinki bir ay, heç 15 gün də dözümü çatmayıb. Ağsu rayon prokurorluğunun Ağsu RİH başçısına ünvanladığı Pirhəsənli kəndinin yeganə torpaq sahəsi ayrılmayan yeganə zabit Qarabağ əlilinin 22 ildir sənədsiz istifadəsində olan torpaq sahəsinin hərracdan kənar başqasına satılması haqqında şikayətinə cavab məktubunda Tofiq Kərimov yazıb ki, Pirhəsənli kəndinin yeganə zabit Qarabağ əlili şikayətində yalan məlumat verib (PA-ya başçının adından yazdığı cavabda da 31 Bico kənd sakinin imzaladığı şikayətin yalan olduğunu vurğulamışdı). Bu yalan da ondan ibarətdir ki, “həmin sahə ümumi istifadədə olan torpaq sahəsi olduğundan QANUNVERİCİLİYƏ MÜVAFİQ OLARAQ TƏYİNATI DƏYİŞDİRİLMƏDƏN FİZİKİ VƏ HÜQUQİ ŞƏXSLƏRƏ İSTİFADƏYƏ, İCARƏYƏ , eləcə də mülkiyyətə verilməsi mümkünsüzdür. HƏMİN TORPAQ SAHƏSİNİN BU GÜNƏDƏK TƏYİNATI DƏYİŞDİRİLMƏMİŞ , heç kəsin İSTİFADƏSİNƏ VƏ İCARƏSİNƏ verilməmişdir. PİRHƏSƏNLİ KƏNDİNDƏ UŞAQ BAĞÇASINA CİDDİ EHTİYAC YARANDIĞINI NƏZƏRƏ ALARAQ BƏLƏDİYYƏNİN TORPAQAYIRMA SƏNƏDLƏRİNƏ MÜVAFİQ OLARAQ. .. HƏMİN ƏRAZİDƏ HEYDƏR ƏLİYEV FONDUNUN VƏSAİTİ HESABINA UŞAQ BAĞÇASININ TİKİNTİ İŞLƏRİ APARILMAQDADIR. “
Ağsu RİH BAŞÇISI Aparatının hüquq şöbəsinin müdirinin QANUNVERİCİLİYƏ MÜVAFİQ OLARAQ verdiyi cavabın QANUNVERİCİLİYƏ MÜVAFİQ OLMADIĞI göz önündədir. Bəri başdan vurğulayaq ki, heç bir fiziki və hüquqi şəxsin istifadəsinə, icarəsinə, mülkiyyətinə veriləbilməz olan torpaq sahəsi icra hakimiyyətinin uşaq bağçası tikintisinə bələdiyyə qərarı ilə necə ayrıla bilər ?! Müvafiq torpaq qanunvericiliyinin icra hakimiyyətinin hüquq şöbəsinin müdirinin “QANUNVERİCİLİYİ”nə müvafiq olmadığını da vurğulayaq :”Bələdiyyə torpaqlarının idarə edilməsi haqqında” 29.06.2001 tarixli 160-IIQ saylı Azərbaycan Respublikası Qanununun 3.0.3-cü maddəsinə görə, bələdiyyə torpaqlarının idarə edilməsi torpaqların xüsusi mülkiyyətə və icarəyə verilməsində qanunvericiliyə və sosial ədalət prinsiplərinə əməl edilməsinə əsaslanır. 11.3 -cü maddədə bələdiyyə mülkiyyətində olan bütün torpaqların qanunvericiliklə müəyyən edilmiş qaydada icarəyə verilə bilməsi; 11.4-cü maddədə xüsusi şəhərsalma əhəmiyyətinə malik bələdiyyə torpaqları ayrıldıqda ... yalnız torpaq müsabiqələri və ya hərracları vasitəsilə icarəyə verilə bilməsi təsbit olunub. 11.7 və 11.8 maddələrində ÜMUMİ İSTİFADƏDƏ OLAN TORPAQ SAHƏLƏRİNİN FİZİKİ VƏ HÜQUQİ ŞƏXSLƏRƏ QISA MÜDDƏTDƏ İCARƏYƏ VERİLMƏSİ yazılıb. Ən başlıcası, birincisi, 5.3 maddəsi bələdiyyə torpaqlarının icra hakimiyyəti orqanlarına ayrılmasını qadağan edir və ikincisi, 16.3 maddəsinə əsasən, qeyri-qanuni istifadə edilən bələdiyyə torpaqlarının geri alınması mümkün olmadıqda bu torpaq sahələri onları istifadə edənlərin mülkiyyətinə verilir.
Bu dövlətin qanunvericiliyi , bu da Ağsu RİH-İN hüquq şöbəsinin “qanunveriliyi”! İndi özünüz qiymət verin, yalanı kim deyir :
AĞSU RAYON İCRA HAKİMİYYƏTİ, YOXSA AZƏRBAYCAN RESPUBLİKASININ TORPAQ QANUNVERİCİLİYİ?"
Dia.az
