Türkiyənin Kocaeli vilayətindəki 4 mərtəbəli tikiş fabrikində güclü yanğın baş verib.

Redaktor.az xəbər verir ki, şiddətli partlayışlarla müşahidə olunan yanğın zamanı azı 4 nəfər həyatını itirib. 5 yaralı var. Hadisə zamanı binada azı 30 işçi olub. Onlardan bəziləri təxliyə olunub.

Binada bir neçə işçinin qala biləcəyi istisna edilmir. Əraziyə cəlb edilən yanğınsöndürənlər, alovun yayılmasının qarşısını alıblar. Lakin hələlik yanğın tam söndürülməyib.

Hadisənin səbəbləri araşdırılır.