Amerikanın Qida və Dərman İdarəsinin alimləri belə qənaətə gəlib ki, toyuqların 70 faizindən çoxunda arsen maddəsi var. İdarə toyuqlara vurulan kimyəvi maddələrin sağlamlığımıza ciddi təsir etdiyini açıqlayıb.

Millitv.az publika.az-a istinadən xəbər verir ki, ABŞ-da aparılan araşdırma nəticəsində toyuq ətlərində arsen maddəsi tapılıb. ABŞ-da kök toyuqların 70 faizindən çoxunda, əsasən hinduşkalara və toyuq ətinin hissələrinin içinə çəhrayı rəngli parlaqlıq verməsi üçün arsen maddəsi vurulur.

Arsen maddəsinin insan sağlamlığı üçün zərərli olması təsdiqlənsə də, bəzi tərədüdlər var. Xüsusən, kiçik uşaqlarda nevroloji qüsurlar, böyrək, ağciyər, qaraciyər xərçənginə, ürək-damar xəstəliklərinə səbəb olur.