17.12.2018-ci il tarixdə Gəncə şəhərindəki Bitki Mühafizə və Texniki Bitkilər Elmi-Tədqiqat İnstitunun kollektivi, direktor vəzifəsinə verilmiş təyinata etiraz əlaməti olaraq iclas keçirirlər. İclasda institutun elmi işçiləri yeni direktorun qeyri-peşəkarlığına qarşı narazılıqlarını ifadə edib, Kənd Təsərrüfatı nazirliyindən elmi-tədqiqat sahəsindən anlayışı olmayan şəxslərin göndərilmələrinə kəskin etiraz etdiklərini bildirirlər.

İnstitutun şöbə müdirləri, ələlxüsus pambıqçılıq üzrə mütəxəssis olan alimlər, bu sahə ilə bağlı anlayışı olmayanların təyinatına qarşı çıxırlar. Sonda kollektiv üzvləri ölkə rəhbəri cənab Prezident İlham Əliyevə, birinci vitse-prezident Mehriban xanım Əliyevaya, kənd təsərrüfatı naziri cənab İnam Kərimova və Gəncə şəhəri İcra Hakimiyyətinin başçısı cənab Niyazi Bayramova müraciət ünvanlayırlar. Müraciətin məzmununu çoxsaylı oxuculara təqdim edirik: \\gundemxeber.az\\