Səudiyyə Ərəbistanının faktiki hökmdarı Məhəmməd bin Salman deyib ki, o, İsraili düşmən deyil, ümumi maraqları olan “potensial müttəfiq” kimi görür, lakin İsrail ilk növbədə fələstinlilərlə münaqişəsini həll etməlidir.
“Biz İsrailə düşmən kimi baxmırıq. Biz onları birlikdə həyata keçirə biləcəyimiz bir çox maraqları olan potensial müttəfiq kimi görürük. Lakin buna çatmazdan əvvəl bəzi məsələləri həll etməliyik”, - Salman əlavə edib.
Səudiyyə Ərəbistanının İranla münasibətləri ilə bağlı sualları cavablandıran bin Salman deyib ki, krallıq hər iki tərəfi qane edən razılaşma əldə etmək üçün Tehranla "ətraflı danışıqları" davam etdirmək niyyətindədir.Onun sözlərinə görə, İranla birbaşa danışıqlar Yaxın Şərqdə özünü münaqişələrdə göstərən rəqabətlə məşğul olan iki regional güc üçün “yaxşı vəziyyət və parlaq gələcək” əldə edəcək.
“İran bizim əbədi qonşumuzdur. Biz onlardan qurtula bilmirik, onlar da bizdən qurtula bilməz”, - deyə Səudiyyə dövlət xəbər agentliyi bildirib.
Millitv.az
