Tağı Əhmədova qarşı 2 milyonluq dələduzluq edən şəxs axtarışa verilib.

Millitv.az lent.az-a istinadla xəbər verir ki, Sahil Abuşov Cinayət Məcəlləsinin 178.3.2-ci (dələduzluq, külli miqdarda ziyan vurmaqla törədildikdə) maddəsilə təqsirləndirilir.

S. Abuşov istintaqdan yayındığı üçün barəsində həbsli axtarış elan edilib.

Hazırda onun tutulması istiqamətində əməliyyat-axtarış tədbirləri davam etdirilir.

Qeyd edək ki, mediada yayılan məlumatlara görə, S. Abuşov “Bakı Metropoliteni”nin sabiq rəisi Tağı Əhmədova qarşı 2 milyonluq dələduzluq etməkdə təqsirləndirilən şəxslərdən biridir. Onunla birgə Qulu Muxtarov və Səadət Xəlilov da təqsirləndirilir. Adları çəkilənlərdən yalnız S. Xəlilov həbs edilib. S. Abuşov isə istintaqdan yayınıb.