Hazırda akademik Ramiz Mehdiyev Azərbaycan Milli Elmlər Akademiyasının (AMEA) prezidenti vəzifəsində qalır.

Millitv.az xəbər verir ki, bunu Axar.az-a açıqlamasında AMEA-nın birinci vitse-prezidenti Arif Həşimov deyib.

“AMEA-nın nizamnaməsinə əsasən, prezident hansısa səbəbdən vəzifəsini tərk etdikdə onun səlahiyyətlərini birinci vitse-prezident icra edir. Ramiz Mehdiyev hansı gün vəzifəsindən getsə, növbəti seçkiyə qədər onun vəzifə səlahiyyətləri mənə həvalə olunacaq. Amma ola bilər ki, AMEA-nın Rəyasət Heyəti bu vəzifəsini başqa şəxsə də həvalə etsin”, - o bildirib.