“Yelo Bank sizin məqsədiniz nədir? İnsanların cibinə girmək bu qədər asandır? Nə vaxta qədər həllini tapmayacaq bu məsələ?”
TİA.Az xəbər verir ki, bankın müştərisi Sabir Əhmədov şikayətçidir. Onun sözlərinə görə, noyabrın 25-də özünə aid kartları arasında köçürmə edib. Elə məsələ də budur ki, pul ortada yoxdur.
“Bir kartımın balansından pulu çıxıb digər kartın balansına pul köçməyib. Düz 4 gün ödənişi icrada saxlayıblar. Sonra uğursuz əməliyyat kimi yekunlaşdırıb, hələ “cashback” da qaytarırlar, amma 50 manatı geri qaytarmırlar. Deyirlər, sizin balansda həmin zaman pul olmayıb.
O zaman sual verdim ki, əgər pul çıxılmayıbsa niyə “cashback” qaytarırsınız? Sonra bank həmin “cashbacki” də silib bütün şübhələri üzərindən atır. Amma yenə də 50 manatımı qaytarmır”.
Müştəri deyir ki, bankın filialında hesabdan çıxarış alıb: “İşçiləri ilə oturub hesablayırıq, görürük ki, həqiqətən ortada 50 manat yoxdur. Filial əməkdaşları da qəbul edir, amma gəl ki baş ofis deyir, yox, sizin balansda pul olmayıb. Çox gülünc vəziyyətdir, bir bank olaraq etdiyiniz…”