Ulu Öndər Heydər Əliyev təhsillə bağlı deyirdi ki, dövlət müstəqilliyinin xalqımıza bəxş etdiyi nemətlərdən biri də odur ki, biz artıq təhsil sistemimizi xalqımızın, millətimizin tarixinə, mənəviyyatına, ənənələrinə uyğun qururuq: “Doğrudur, bu proses çox mürəkkəb prosesdir. Bu proses qısa müddətdə başa çata bilməyəcəkdir. Bu gün təhsil sahəsində çalışan bütün vətəndaşlara, müəllimlərə, təhsil müəssisələrinin rəhbərlərinə müraciət edərək xahiş edirəm ki, onlar tezliklə təhsil sistemində işlərin müstəqil Azərbaycanın prinsipləri əsasında qurulmasına nail olsunlar. Burada dərsliklərin dəyişilməsi, yeni dərsliklərin yaranması xüsusi əhəmiyyət kəsb edir. Bilirəm, bu, asan məsələ deyil. Bu, bir çox amillərlə bağlıdır, ondan asılıdır... Ancaq indi dərs alan uşaqlar, gənclər gərək mütləq və mütləq bizim yeni dərsliklər əsasında oxusunlar”.
Bəli, Ulu Öndərin uzaqgörənliklə dediyi kimi bu proses mürəkkəbdir.
Bu prosesi çətinləşdirən səbəblərdən biri də “futbolist” , “narxoznik” Firudin Qurbanov kimilərin təhsil sahəsində at oynatmasıdır.
Bəli, Narxoz-da böyük rüşvət təcrübəsi keçən Firudin Qurbanov, orada öyrəndiklərini Təhsil Nazirliyində tətbiq etməyə başladı.
Nazirlikdə olan az-çox təcrübəli pedaqoq alimlər, peşəkar təhsil mütəxəssisləri uzaqlaşdırıldı. Əslində Təhsil Nazirliyi bu gün “Narxoz” filialına çevrilib.
Belə “narxoznik”lərdən biri də Firudin Qurbanovdur.
Bu adamın pedoqoji təcrübəsi yoxdur. Axı, tibb təhsili olmayan adamı necə baş həkim qoymaq olar ?
Firudin Qurbanovun Təhsil Nazirinin müavini olması da o dərəcədə gülüncdür.
Bu adam uzun illər Kooperasiya İnstitutunda çalışıb. Həmən insitut ölkədə ən rüşvətxor ali məktəbdir.
Bu adam Futbol Federasiyasının prezidenti olub.
Axı, futbol hara, Təhsil Nazirliyi hara ?
Bizim hörmətli Firudin Qurbanovun personası ilə işimiz yoxdur..
Amma...
Firudin müəllim, Moskva Kooperasiya İnstitutunun Bakı filialında işləyəndə ''rüşvət'' məsələsində ad çıxarmışdı.
Sonra cənab Qurbanov 2014-cü ildə təhsil nazirinin müavini oldu.
Və sonra cənab Qurbanov təhsil nazirinin müavini olmaqla bərabər, BDU-nun rektoru oldu.
Bu dünyada analoqu olmayan məsələdir. Nazir müavini həm də BDU-nun rektoru oldu. Yəni bir əldə iki qarpız tutmaq kimi.
Bəli, qısa müddətdə böyük yığım olmalı idi.
BDU-nun rektoru olan kimi Firudun Qurbanov, xarici ölkələrdən Bakıdakı ali məktəblərə olan köçürmə-“perevod”ların qiymətini dəfələrlə artırdı. BDU-da ikinci ali təhsil alanların kəsrlərini neçə min dollara sildirdi ?
Və rüşvət yığımına start verdi ?
Rektor Firudin müəllim saxta distant diplomlar verib ?
Firudin Qurbanov nazir müavini kimi orta məktəblərə müəllim düzəltmək, şagirdlərin yerdəyişməsi və s məsələlərdən əməlli-başlı pul qazandı və Avropada biznes qurdu. Onun biznesini Avropada qardaşı idarə edir. Buyurun tanış olun:
Medianın yaydığı məlumata görə, Sloveniyada FİREM D.O.O. (Məhdud Məsuliyyətli Cəmiyyəti) 2014-cü il fevralın 9-da qeydiyyatdan keçirilib. Sloveniya mənbələrinin məlumatına görə şirkət xidmət və ticarət sahəsində fəaliyyət göstərir. Direktoru Firudin Qurbanovdur.
Şirkət 6671381000 saylı lisenziya ilə Sloveniyanın şərqindəki kiçik Rogaška Slatina şəhərində, Celjska cesta 6 ünvanında hüquqi qeydiyyata alınıb. Sözügedən ünvanda isə şəhərin 4 ulduzlu "Slatina" oteli yerləşir. Eyni ünvanda daha bir şirkət - HOTEL SLATINA d.o.o. qeydiyyatdan keçib.
Bəli, Firudin Qurbanov əslində təhsil sahəsindən çox bazara, bazarkom olmağa meyllidir.
Təsəvvür edirsiniz, bu adam heç nədən çəkinmədən Sloveniyada öz adına şirkət açır, bizneslə məşğul olur.
Firudin Qurbanov üçün məmur uşaqlarının imtahanlarını tapşırmaq, qayıb sildirmək də biznesdir. Firudin Qurbanov distant deyilən 2-ci ali təhsildən bəlkə də milyonlar qazanıb.
Firudin Qurbanov öz qohum-ərəbasını da təhsil sahəsinə doldurub.
Təsəvvür edirsiniz, orta məktəblərə müəllim, hətta laborant düzəlmək Firudin Qurbanov üçün biznesdir.
Firudin Qurbanovun çox ustalıqla torba tikmək xasiyyəti də var.
Bəli, “qoca” Qurbanov bütün gücünü işə salıb, gənc nazirə “bələdçilik” edir. Məqsədi isə nazir olmaqdır.
Yəqin ki, nazir xəbər tutanda qoca Firudini kreslosundan aşıracaq. //gundelik-baku.com//