“Tam bir zülm məngənəsinin içindəyəm. Məsləhət və yardımlarınıza ehtiyacım var. Bu zülm məngənəsinə düşməyimin də səbəbkarı 1995-ci ildə Rusiyadan Bakıya gələrək bir banka sahiblənən, sonra 1997-ci ildə İçəri şəhər Mirzə Şəfi 20 ünvandakı binanın 1 və 2-ci mərtəbələrində yerləşən mənzilləri alaraq, binanın üst qatlarının ona məxsusluğundan riqqətlənib, sonradan binanın yarımzirzəmisində yerləşən dükanın da ona aid olduğu iddiası ilə ona qanunsuz sahiblənmək istəyinə düşmüş, hörmətli deputatımız, sevimli insan Eldar İbrahimovun üz qarası olan qardaşı Heydər İbrahimovdur”.
Bu sözləri Bakı şəhər, Yasamal rayonu, C. Cabbarlı küçəsi, ev 20/67, mənzil 21-də qeydiyyatda olan Əliyev Cəlal İsmayıl oğlu sosial şəbəkə hesabında paylaşıb. Onun sözlərinə görə, Heydər İbrahimov 25 ildən çox bir müddətdə dükan kimi fəaliyyət gösrtərən, iki dəfə əsaslı təmir olunmuş obyekti mənimsəmək istəyir. Cəlal Əliyevin statusunu olduğu kimi təqdim edirik:
“1993-cu ildən etibarən Nigar Quliyeva tərəfindən (2016 cı ildə haqq dünyasına qovuşmuşdur) dövlətdən rəsmən icarəyə götürülməklə dükan kimi işlədilmiş və sonradan 2004-cü ildə tam qanuna müvafiq şəkildə dövlət xəzinəsinə N qədər pul köçürülməklə özəlləşdirilən və sonrada 2005-ci ilin yanvarında bəndənizə notarial qaydada, dövlət şəhadətnaməsi ilə satılan bu obyekt,(üstündən 15 ilə yaxın müddət keçməsinə, bu məsələ 2004-cü ildə Ali Məhkəməyə qədər Nigar Quliyevanın xeyrinə çözülməsinə baxmayaraq) 2018-ci ilin avqustundan yenidən Heydər İbarhimov tərəfindən mübahisə predmeti kimi məhkəməyə yönləndirilmiş və mənim haqsız məhkəmə proseslərində süründürməçiliyimə rəvac olmuşdur. Heydər İbrahimov 2018-ci ilin avqustun 2-də qaldırdığı, (mənim Nigar Quliyeva ilə bağladığım alqı satqı müqailəsinin etibarsız hesab edilməsi və əmak komitəsinin 2004-cü ildə özəlləşmə ilə bağlı çıxardığı qərarın ləğvi ilə bağlı) Səbail rayon məhkəməsində qaldırdığı iddia üzrə işi uduzmaqla yanaşı, mahiyyəti eyni olan iş üzrə İnzibati İqtisad məhkəməsində də qaldırdığı iddia azmış kimi, indi də Səbail məhkəməsindən appelyasiya şikayəti vermişdir.İnzibati İqtisad məhkəməsində hakim Elvin Əliyev, Appelyasiya məhkəməsində hakim Zaur Əliyevdir”.
Mülkiyyətçi Heydər İbrahimovun necə milyonçu olmasına da diqqət çəkib: “Bununla da hal hazırda iki məhkəmədə, Apelyasiya və İnzibati İqtisad məhkəmələrində uca Allah tərəfindən və gözəl dövlətimiz tərəfindən toxunulmaz bilinən mülk haqqımı qorumaq və Sizlərə məsələni tam təfərruatı ilə danışmaq məcburiyyətindəyəm.
Əvvəlcə Heydər İbrahimovun “Bakı sərgüzəştləri” və ya “O necə milyonçu oldu”, adlı tarixçəsinin qısa xrestomatik təfərrüatını nəzərinizə çatdırım. Bütün burda gətirəcəyim faktlar cənabı şərifimizin öz müsahibələrində verdiyi məlumatlar əsasında olduğundan, onun mötəbər işgüzar nüfuzunu sarsıtmayacağım qənaətindəyəm. Yuxarıda göstərdiyim kimi, Heydər İbrahimov 1995-ci ildə Bakıya gələrək bir banka sahibləndiyini demişdir (Universal Bank). Lap əcəb eləmişdir. Amma Sovetlərin yenicə dağılmış olduğu bir zamanda, qərib bir eldə adam görəsən hansı nəhəng mənfəətgətirici bir işlə məşğul olmalıymış ki, belə tezliklə, faktiki bir neçə ilə bank almaq qədər zənginləşsin? (SSRİ rəsmən 1991-ci il dekabrın 26 da dağılmışdır). Babal yumaq bizlik deyil də, amma sual doğma məsələsi də təbii məsələdir.
Sonra 1997-ci ildə İçəri Şəhərdə Mirzə Şəfi 20 ünvanda yerləşən binadan mənzil 1 və 3 olmaqla, 1 və 2-ci mərtəbələrə sahiblənmişdir. Xub, bunu da sovet və postsovet Rusiya dövrünün çevik mənfəət bəhrələnmələri ayağına yazaq. Indi sonradan atılacaq addımların, yəni Ağaye İbrahimovun sonrakı atdığı addımların üslub qayəsinə fikir verək.
Söhbət üslubdan düşmüşkən, Səbail rayon məhkəməsində (16 aprel 2019 cu il) prosesi uduzmamışdan əvvəl rəsmən hakimə mənimlə barışıq haqqnda müraciət ünvanlaması, prosesə yolladığı vəkili vasitəsilə proses başlar – başlamaz məhkəmə salonunda məndən barışıq istəməsi də görünür Heydər İbrahimov üslubu qayəsinə aiddir.
Demək 2019-cu il aprelin 12-si Heydər İbrahimov 1 saylı İnzibati İqtisad məkəməsinə eyni məsələ ilə bağlı eyni iddia ilə müraiciət etmiş və bununla yanaşı Səbail rayon məhkəməsinə iddia ərizəsini geri götürmək və qarşı tərəfə barışıq təklifi ilə müraciət ünvanlayır. Ortada faktiki aprelin 12-dən özünün İnzibati İqtisad məhkəməsində qaldırdığı yeni iddia ərizəsi ola ola, aprelin 16-sı məhkəmə günü (Səbail rayon məhkəməsində), vəkili vasitəsi ilə rəsmən barışıq təklifi ilə çıxış edir. Siz “barışığa” baxın, barışıq adıyla işlənən riyakarlığın, hiyləgərliyin dərəcəsinə baxın.
Demək iddianı Səbail məhkəməsindən geri götürməklə məsələnin hər zaman yenilənməsini qüvvədə saxlayıb, İnzibati İqtisad məhkəməsində eyni məsələ üzrə yeni iş qaldırmaqla mənə ikiqat təsir gücü əldə etmək nəzərdə tutulubmuş. Bütün bu mənfur gedişlərsə yeganə bir tamah məqsədi güdür. 2005-ci ildə min bir əziyyətlə qazanıb aldığım daşınmaz əmlakımın dəyər dəyməzinə məndən alınması, bütün binaya sahiblənərək onun sonrakı taleyinin tamahkar məqsədlərə yönəldilməsi.Savadlı vəkil Günay xanımın ayıq-sayıqlığı sayəsində Heydər İbrahimovun bu mənfur hiyləsi də keçmədi və proses davam etdirilərək gözəl hakimimiz Şahin Abdullayevin ədalətli hökmü ilə sonuclandı. Hakim iddianı tam əsassız hesab etdi. Saxtalaşdırdığı qondarma ekspert rəyi də karına yetmədi. Hakim ekspert rəyinə haqlı iradlar bildirdi.
İndi isə H. İbrahimovun 1995-ci ildə aldığı bankın fəailiyyət tarixinə ötəri nəzər salaq.
“Kövsər bank”ı fəaiyyəti dövründə iki dəfə lisenziyası əlindən alınmaqla (2001 və 2011-ci illərdə) və sonradan məhkəmə çəkişmələri sonucu olaraq Mərkəzi Bank tərəfindən bərpa edilməklə, 2015 də adının qəzet səhifələrində “İranın çirkli pullarının yuyulması” kimi hallanması və özünün bu haqqda modern.az saytında təkzibləri ilə, əvvəlcə 1995-də Universal Bank kimi alınıb, sonra ehmallıca 2001-ci ildə necə “Kövsər Bank”a, 2015-dən elə o ehmallılıqla “Caspian Development Bank”a çevrilməsi ilə, sonra necə 2015-də səhmlərinin 76 faizini 38 milyon manata satılmaqla başqa bir bankla əvəzlənməsi, o əvəzlənənin də əvvəlcə “Ata Bank”la birləşib, sonra elə onun içindəcə əriməsi faktları ilə mükəmməl jurnalist araşdırma mövzusu ola biləcək “möhtəşəm” tarixi bir yol keçmişdir. https://modern.az/az/news/10679 ,
https://news.lent.az/news/52839 , https://afn.az/iqtisadiyyat/733-kvsr-bank-adn-dyiib.html ) Nə əfsus ki bu “möhtəşəm” tarixi yolda qazandığı milyonlarla mənim minbir əziyyətlə qazanıb aldığım 45,9 kvadrat metrlik zirzəmi mülkümün üstündən indi buldozerlə keçmək niyyətindədir…
Qayıdaq məsələnin əsas tərəfinə. Demək 1997-ci ildə H.İbrahimov yuxarı mərtəbələrdəki mənzillərə sahibləndiyi zaman binanın yarımzirzəmisində yerləşən sahə artıq 4 ildən artıq bir müddət idi ki Nigar Quliyeva tərəfindən dövlətdən dükan kimi rəsmən icarəyə götürülmüşdü (ondan əvvəl, bir köhnə qonşunun dediyinə görə, Neftçilər prospektindəki dükanın anbarı kimi fəaliiyətdə olmuş) və rəsmən dükan kimi fəaliyyət göstərməklə konkret mənfəət gətirirdi. Obyektin icarədarı olmaq mümkünsüzlüyü və dükana ucuz sahiblənmək xisləti Heydər İbrahimovu görünür rahat buraxmamış və digər yollara əl atmağa vadar etmişdir. Elə təxminən bu ərəfələrdə Nigar Quliyevanın iş ortağı Cahanbala tam əyyaşlığa qurşanıb tüfeyli həyat tərzi sürməsi üzündən dükandan tam uzaqlaşdırılmışdı (Nigar Quliyevanın dediklərindən). Bu uzaqlaşdırmadan sonra Cahanbala hər gün sərxoş vəziyyətdə ətraf dükanları gəzərək, doğma qardaşı arvadının ünvanına normal insanların qulaqlarını belə qızardacaq hədyanları söyləməkdən çəkinmir və dükanın əsil sahibin o olduğunu deyirmiş.(Diqqət yetirin, həmin dövrdə dükan dövlət əmlakı olmaqla yanaşı, Nigar Quliyeva tərəfindən rəsmən icarə olunurdu) Yaranmış şəraitdən maksimal yararlanmaq və dükana ucuz yiyələnmək xisləti sonunda Heydər İbrahimovu Cahanbala ilə qanunsuz sövdələşməyə girmək kimi bir cinayətə sürükləyir. 2001-ci ildə Heydər İbrahimov Cahanbalaya 5 min dollar verərək (sonradan bu pulun Cahanbaladan alındığı deyilir), əlindən, “dükanın halallığını verdim” məzmunlu kağız alınmaqla (bu kağız parçası Heydər İbrahimovun Nigar xanımla 2004 cü ildə məhkəmə çəkişməsində keçmişdir və bu fakta görə Nigar xanım Heydəri də, Cahanbalanı da tutduracağını deyirdi, sonradan görünür məhkəmə proseslərini udduqdan sonra fikrindən daşınmışdı) dükanı almış olduğunu düşünür. Bir daha üsluba fikir verin. Həmin il, yəni 2001 ci ildə bankının adını dəyişib “Kövsər İslam Bank”ı qoyan, halal, faizsiz bank nəğmələri altında, faktiki əlində heç bir sənəd olmayan, əyyaş, tərbiyəsi, əxlaqı sıfırlanmış bir adamdan dükan almaq kimi sövdələşməyə girmiş və sonradan da bu dükana, mənim zirzəmimdir, deyərək, sahiblik iddiası irəli sürən bir adamın islam dəyərlərinə, dövlətə, onun ali qanunçuluq dəyərlərinə necə uyarlı olub olmadığı haqqında özünüz qərar verin.
Nəhayət 2004-cü ildə Nigar Quliyeva 11 il dövlətdən icarəyə götürmüş olduğu dükanı tam qanuni şəkildə, dövlət xəzinəsinə N qədər pul köçürməklə özəlləşdirmiş və bu başıbəlalı dükanı da 2005-ci ilin yanvar ayında mən bəndənizə notariat qaydada, şəhadətnamə ilə satmışdır. Alqı-satqıdan sonra yuxarı qonşu ilə məhkəmə çəkişməsinin olduğunu və o qonşunun da Appelyasiya məhkəməsinə qədər uduzduğunu, narahatlığa bir səbəb olmadığını, əsassız iddialara fikir verməməyimi mənə tövsiyyə edərək aralanmışıq. Amma təbiətən belə şeylərdən kənar durmağa çalışan birisi kimi narahat olmaya bilməzdim. Nəhayət Nigar xanımın Ali məhkəməni də udmasından sonra məsələnin tam çözülməsini təxmin edib bir az rahatladım. Bu arada Cahanbalanın da təhdidləri ilə qarşılaşmalı oldum. Üstümə qanuni avtoritetlə, mənə dükanın halallığını verəcəksən, tələbi ilə gəlmişdi. Bu haqqda əvvəlki yazılarımda müfəssəl yazmışam.
Bu arada Nigar xanımın dediklərindən bir neçə xatırlamanı da diqqətinizə çatdırmaq istəyirəm. Heydər İbrahimovla məhkəmə çəkişmələri ərəfəsində sən demə Nigar xanım iki hörmətli deputatlarımız, Eldar İbrahimov və Arif Rəhimzadə ilə görüşübmüş və onların hər ikisi də bu müdhiş məsələyə hiddət və qınaq bildirməklə bərabər, köməksiz xanıma öz yardımlarını əsirgəməyəcəklərini bildiriblərmiş. Sonrakı illərdə Heydər İbrahimovun mənə qarşı davamlı təhdid və təzyiqləri azmış kimi, 2018 ci ildən əsassız iddialarla məhkəmələrə çəkməklə həqiqi zülm məngənisinə salması, görünür məni bu iki hörmətli deputatlarımızla yenidən görüşməyə məcbur edəcəkdir.
H.İbrahimov məhkəmə ekspertizasını saxtalaşdırmaqdan belə çəkinmədi. Bu haqqda da əvvəlki yazımda yazmışam.
Ey, Heydər, bunu necə bacardın? Üstündə münafiqcəsinə gəzdirdiyin islam adının ədalət alovu içini azacıq belə yandırmadımı?
Allah böyükdür. Dövlətimin də, onun qanunlarının da, hakimlərimizin də ədalətinə inanıram. Məni sevgili dövlətimə, sevgili prezidentimə, vitse prezidentimə narazı salacaq bir qüvvə yer üzündə tapılmaz. Mənim müqəddəs haqqlarımı da layiqincə qoruyan olacaq, inşaAllah, buna şübhə etmə və sənin də cəzan olacaq, inşaAllah”.
Qarşı tərəfin mövqeyini işıqlandırmağa hazırıq!
Teref.az
