Su borusunun partlaması nəticəsində küçə bərbad vəziyyətə düşüb.

Minval.info xəbər verir ki, Binəqədi rayonunun 8 mart küçəsində, 1a ünvanında su borusu partlayıb. Nəticədə həmin ərazini su basıb.

Bununla əlaqədar sakinlər “Azərsu” ASC-nin “Qaynar xətti”nə zəng vurub. Telefona cavab verən operator məsələ ilə bağlı tədbir görüləcəyini bildirib. Ardınca qurum əməkdaşları mobil telefon vasitəsilə geri dönüş edərək su borusunun partladığı ünvanı dəqiqləşdiriblər.

Lakin onların dedikləri bir qədər təəccüb doğurub. Belə ki, onlar “indi əlimizdə iş var, vaxtımız olsa gələrik” söyləyib. Sakinlər küçəni su basdığını bildirsələr də, cavab fərqli olmayıb.

Qeyd edək ki, “Azərsu” ötən ili yarım milyard manat zərərlə başa vurub. Təbii ki, bu formada işləyən bir qurum zərərlə ili tamamlamalıdır.