Bakı şəhəri, Xəzər rayonu, Şüvəlan qəsəbəsi, M.Müşfiq küçəsi, ev 28 ünvanında qeydiyyatda olan Rəhilə Məmməd qızı Kazımova (Əlaqə telefonları: 050/055/070-777-29-55)Modern.az saytı vasitəsilə ölkə rəhbərliyindən kömək istəyib.

R.Kazımova bildirib ki, o, “ŞURATAZ LTD”MMC-yə faktiki rəhbərlik edən Xaliq Nəriman oğlu Abbasov onu aldadarq evini banka girov qoyub, indi isə küçəyə atılmaq təhlükəsilə üz-üzə qalıb.

Bununla ölkə rəhbərliyinə ünvanladığı müraciətdə R.Kazımova bildirib:

“Müraciət etməkdə məqsədim Abbasov Xaliq Nəriman oğlu tərəfindən təkcə mənim deyil, mənim kimi bir çox günahsız insanların aldadılması faktıdır.
Bidirirəm ki, bu şəxs mənim evimi qanunsuz şəkildə girov qoymaqla Bank qarşısındakı külli miqdarda olan borcunun bir qismini mənim əmlakım hesabına əvəzləşdirmək istəyir.

Bu məsələlərə aydınlıq gətirmək üçün, işin hallarını diqqətinizə çatdırmaq istərdim.

Belə ki, Xaliq Abbasovun rəhbərliyi və cızdığı plan üzrə “QRANT GARDEN”MMC ilə Bank VTB (Azərbaycan) ASC arasında bağlanmış 129926-1-11787 saylı, 06.08.2014-cü il tarixli “Baş kredit razılaşması”na əsasən, həmin razılaşma ilə müəyyən olunmuş şərtlər əsasında tam və ya hissələrlə verilən kreditlər üçün “Bank krediti” alana 06.08.2014-cü il tarixdən 06.08.2024 cü il tarixədək 10 000 000 (on milyon) manat və ya ABŞ dolları məbləğində kredit xətti açıb. Razılaşmaya əsasən “QRANT GARDEN”MMC ilə Bank VTB (Azərbaycan) ASC arasında 129926-1-1-11787/1 saylı, 06.08.2014-cü il tarixli “kredit müqaviləsi” bağlanaraq “QRANT GARDEN”MMC-yə soyuducu quraşdırılması məqsədilə ilə 60 ay müddətinə, illik 12 faizlə 1 275 000 (bir milyon iki yüz yetmiş beş) ABŞ dolları məbləğində kredit verilib. Eyni zamanda kredit müqaviləsindən irəli gələn öhdəliklərin icrasının təmini üsulu kimi “ŞURATAZ LTD”MMC və Abbasov Xaliq Nəriman oğlu ilə 18.08.2014-cü il tarixdə 242164 saylı və 242139 saylı “zaminlik” müqavilələri bağlanılıbr. Hazırda isə banka demək olar ki,heç bir ödəniş etməyən “QRANT GARDEN”MMC-nin müqavilə üzrə 1232018.30 (bir milyon iki yüz otuz iki min on səkkiz dollar otuz sent) ABŞ dolları məbləğində borcu vardır.

Həmçinin bildirirəm ki, “ŞURATAZ LTD”MMC ilə Bank arasında bağlanmış müqaviləyə əsasən, “Dövriyyədəki malların girov müqaviləsi” bağlanılıb. Həmin müqaviləyə əsasəndə “ŞURATAZ LTD”MMC-yə məxsus 304 adda mal siyahıya alınaraq girov qoyulub.

Əlavə olaraq qeyd etmək istərdim ki, xüsusi mülkiyyət hüququ ilə mənə məxus olan Bakı şəhəri, Xəzər rayonu, Şüvəlan qəsəbəsi, Mikayıl Müşfiq küçəsində 0,05133 torpaq sahəsində yerləşən 249.7 kv.m ümumi, 133.1 kv.m yaşayış , 116.6 kv.m yardımçı sahədən ibarət 6 otaqlı və 344.2 kv.m ümumi, 114.05 kv.m yaşayış , 230.15 kv.m yardımçı sahədən ibarət 5 otaqlı 2 mərtəbəli 2b nömrəli fərdi yaşayış evi ipoteka qoyulub.

Bunları yazmaqda əsas məqsədim ondan ibarətdir ki, mənə məxsus daşınmaz əmlakın ümumi dəyəri girov qoyularkən olduqca çox şişirdilərək Bankda ipoteka predmeti olub. Həmçinin qeyd etmək istərdim ki, özümün və ailəmin yeganə yaşayış yeri olan Bakı şəhəri, Xəzər rayonu, Şüvəlan qəsəbəsi, Mikayıl Müşfiq küçəsindəki daşınmaz əmlak girov qoyularkən “ŞURATAZ LTD” MMC-yə faktiki rəhbərliyi həyata keçirən Xaliq Abbasov tərəfindən aldadılmışam. Belə ki, mənə məxsus sözügedən əmlakın girov qoyulması üçün lazım olan bütün sənədləşmə işlərini Abbasov Xaliq Nəriman oğlu həyata keçirib. Bu baxımdan evin dəyərini süni şəkildə, olduğundanda artıq qiymətləndirərək saxta sənədlər əsasında girov qoymağa çalışan Xaliq Abbasovun planlarından xəbərim olmayıb.

Həmçinin qeyd etmək istərdim ki, Xaliq Abbasov mənə məxsus evi ipotekaya qoyarkən bildirmişdi ki, onun həyata keçirdiyi biznes layihəsi çox uğurlu layihə olduğu üçün bizə hər ay 5 000 (beş min) manat pul verəcək. Amma yalan vədlər verən X.Abbasov sonradan qismən ödəniş etdikdən sonra nəinki mənə , ümumiyyətlə bankada ödəniş etməkdən imtina etdi. Həmçinin, mən o vaxtı bilmirdim ki, mənə məxsus evin yerləşdiyi torpaq sahəsi dövlətə məxus olduğu üçün girov qoyula bilməzmiş. Həmçinin qeyd etmək istərdim ki, mənə məxsus ev girov qoyularkən, orda qeydiyyatda olan şəxslərin razılığı alınmayıb. Bunun müqabilində isə həmin şəxslərin əvəzinə imza edilərək guya bu şəxslərində razılığının olmasına dair saxta sənəd hazırlanıb.

Hazırda bu iş üzrə tərəfimdən Bakı şəhəri Nəsimi rayon məhkəməsində “Bank VTB (Azərbaycan)” ASC-yə qarşı 06.08.2014-cü il tarixli 129926-NEDVİJ-3077 saylı “Daşınmaz əmlakın ipoteka müqaviləsi”nin etibarsız sayılması və Bakı şəhəri, Xəzər rayonu, Şüvəlan qəs, Mikayıl Müşfiq küçəsində 0,05133 ha torpaq sahəsində yerləşən, 249,7 kv.m ümumi, 133,1 kv.m yaşayış, 116,6 kv.m yardımçı sahədən ibarət 5 otaqlı 2 mərtəbəli 2b nömrəli fərdi yaşayış evi üzərində ipotekaya xitam verilməsi barədə iddia qaldırmışam.

Mikayıl İsmayılovun yaxın adamı vətəndaşa müsibət yaşadır...

Həmin iş üzrə Nəsimi rayon məhkəməsinin 26.02.2018-ci il tarixli qətnaməsindən narazı qaldığımız üçün həmin qətnamədən apellyasiya şikayəti verilmiş və iş Bakı Apellyasiya Məhkəməsinin hakimi Namiq Cəfərovun icraatındadır.

Bütün bunları yazmaqdada əsas məqsədim həmdə odur ki, Xaliq Abbasovun çirkin və planlı şəkildə əmlakımı satışa çıxararaq bizi çöldə qoymaq istəyini və öz borcunu başqalarını aldatmaqla bağlamaq niyyətini ortaya qoyum. Hazırda Xaliq Abbasovun rəhbərlik etdiyi şirkətlərin dövriyyəsindəki vəsaitin miqdarı bu Banka olan borcdan qat-qat çox olsa da, X.Abbasov mənə məxsus əmlakı girovdan çıxartmaq üçün heç bir cəhd belə etmir. Mən sonradan mətbuat səhifələrindən və sosial şəbəkələrdən aldığım məlumatlardan agah oldum ki, Xaliq Abbasov mənim kimi bir çox insanların etibarından istifadə etməklə öz maraqlarına uyğun qanunsuz işlər görmüşüdür”.

Rəhilə Kazımova ölkə rəhbərliyindən və aiddiyatı qurumlardan yuxarıda yazılanları nəzərə alıb, xüsusi mülkiyyət hüququ ilə ona məxus olan Bakı şəhəri, Xəzər rayonu, Şüvəlan qəsəbəsi, Mikayıl Müşfiq küçəsində 0,05133 torpaq sahəsində yerləşən 249.7 kv.m ümumi, 133.1 kv.m yaşayış , 116.6 kv.m yardımçı sahədən ibarət 6 otaqlı və 344.2 kv.m ümumi, 114.05 kv.m yaşayış , 230.15 kv.m yardımçı sahədən ibarət 5 otaqlı 2 mərtəbəli 2b n ömrəli fərdi yaşayış evinin girovdan çıxarılmasına köməklik etməyinizi və Xaliq Abbasovun qanunsuz əməllərinin qarşısının alınmasını xahiş edib.

***

DİA.AZ isə bildirir ki, narazılıq yaradan, vətəndaşın başına oyunlar açan “Şurataz LTD”nin rəhbəri Xaliq Abbasov əslində mətbuata tanış simadır. Buna qədər yerli KİV-lərlə də müəyyən rpoblem yaşayan şirkət rəhbəri əslində SOCAR-ın vitse-prezidenti Mikayıl İsmayılovla yaxın dost olduğu üçün geniş imkanlara malikdir və bu dostluq sayəsində o, illərdir SOCAR-ın nəqliyyat idarəsinə baha qiymətə şin satır. Yəni kifayət qədər güvəncəli olduğundan vətəndaşın haqqını da rahatlıqla tapdama imkanına malikdir. Amma Azərbaycan hüquqi dövlətdir və qanunlar təbii ki, nəhayətdə hər şeyi yerində oturdacaq...

Bütün bu iddia olunanlarla bağlı qarşı tərəfi də dinləməyə hazırıq..Modern.az