Azərbaycan Televiziya və Radio Verilişləri QSC-nin (AzTV) Kinoproqramlar və dubliyaj baş redaksiyasının baş redaktoru Etibar Babayev koronavirusdan xəstəliyindən vəfat edib.
Millitv.az İran İslam Respublikasının Bakıdakı səfirliyinin sözçüsü Seyid Əli Musəvi görkəmli jurnalist Etibar Babayevin vəfatı ilə bağlı Azərbaycan xalqına baş sağlığı verib.
Böyük təəssüf və kədər hissi ilə xəbər aldıq ki, mətbuat həmkarımız Etibar Babayev vəfat edib. Bu ağrılı xəbər ilə bağlı Azərbaycan Respublikasındakı bütün media üzvlərinə başsağlığı verir və Uca Tanrıdan ona rəhmət diləyirəm. Başsağlığı dəniz qədər böyük kədər qarşısında yalnız bir damladır, ancaq Allahın yazdığı alın yazısı ilə barışmaqdan başqa çarə yoxdur. Bu əziz insanın və Azərbaycan Respublikasının 17 peşəkar jurnalistinin qəfil ölümü hamımıza dünyanın qeyri-sabitliyini xatırladır.
Bir daha özümün və bu səfirlikdəki bütün həmkarlarımın adından media mənsublarına və mərhumun yaxınlarına başsağlığı verir, dost və qardaş ölkə Azərbaycan Respublikasının xalqına Uca Tanrıdan cansağlığı, izzət və başucalığı diləyirəm.
