Siyəzən rayon sakini Ruslan Quliyev Azinfo.tv-yə video müraciət edərək, dövlət başçısından rayondakı məmur özbaşınalığına son qoyulması üçün göstəriş verməsini xahiş edir.
Ruslan Quliyev: İcra başçısı Novruz Novruzov və birinci müavini Aqşin Ağayev rayonda satmadıqları yer qalmayıb. Rayonda qanunlar işləmir. Kimin pulu varsa, söz də onundur. Rayon rəhbərliyinin başı biznesə elə qarışıb ki, ulu öndərimiz Heydər Əliyev mərkəzi uçub dağılır, ulu öndərimizin rayon icra hakimiyyətinin qarşısında olan büstü aylardır ki, bərbad vəziyyətdədir, ancaq rayon rəhbərliyinin heç tükü də tərpənmir. Budur ulu öndərimizə hörmət? Utanmırlar, mərhum H.Əliyevin hesabına vəzifə, var dövlət, mal-mülk sahibi olublar. Bunlarda zərrə qədər vətən, millət təəssübkeşliyi yoxdur. Cənab prezident, sizə müraciət edirəm. Xahiş edirəm, Siyəzən rayonunda məmur özbaşınalığına son qoyulması üçün müvafiq göstəriş verəsiniz. Yoxsa bu bədxahlar rayonu sosial fəlakətə, kütləvi ixtişaşlara sürükləyir.
Redaksiyadan: Yazıda adları çəkilən şəxslərin də mövqeyini dərc etməyə hazırıq. Ruslan Quliyevin fikrini geniş şəkildə Video-müraciət vasitəsilə dinləyə bilərsiniz.
Elçin İsmayıllı.
