Redaksiyamıza tanımadığımız bir vətəndaşdan şikayət məktubu daxil olub. Diqqətlə oxuduqdan sonra məktubu dərc etmək qərarına gəldik. Düşündük ki, Azərbaycan prezidenti İlham Əliyev və onun xanımı Mehriban xanım Əliyeva humanistlik edərək və şikayətçinin məktubunda qeyd edilənləri nəzərə alaraq onun yaşadığı evi Nikoyl Bankın girovluğundan çıxarılması üçün göstəriş verəcək.

Məktubu olduğu kimi diqqətinizə çatdırırıq:

“Azərbaycan Respublikasının Prezidenti cənab İlham Əliyevə və birinci vitse Prezidenti xanım Mehriban Əliyevaya Nəsimi rayonu 4 M/R 20 yanvar küçəsi ev 23 mənzil 10-da yaşayan Şükürova Əsmər Əzizağa qızı tərəfindən (Əlaqə nömrəsi: (050) 698-20-99)

Ə R İ Z Ə

Cənab Prezidentimiz İlham Əliyev və Vitse Prezidentimiz Mehriban xanım Əliyeva ailəmizdə yaranan çox ciddi problemin həllinə görə məcburuyyətdən 22.12.2014-cü ildə Nikoyl Bankda evimizi girov qoymaqla 12.027 manat 78 qəpik kursu 15.300 dollar pul götürmüşdük. Ümumiyyətlə bizim 10.000 manata böyük ehtiyacımız olub bankın kredit mütəxəssisi adımızda Bank of Bakuda 1.200 manata qədər olan kreditin bağlanmasını və 850 manata qədər də bankın komissiya xidmətinə ödəyəcəyimizi tələb etdilər. Bunları nəğd ödəmək imkanımız olmadığına görə ehtiyacımız olan 10.000 manatın üstünə əlavə hesablanmasına razılaşdıq. Evimizi dəyərindən aşağı qiymətə manat ilə girova götürdülər. Rəsmi gəlirim haqqında arayışı manat ilə aldılar. Pulu kassadan manat ilə sayıb verdilər müqaviləni isə dollarla yazıblar. Bank işçilərinin maliyyə fırıldaqlarını başa düşməmişəm. Qarşılıqlı razılaşdığımıza inanıb təqdim etdikləri sənədləri imzaladım. Ödəniş cədvəlinin dollarla qurulduğunu görəndə bildirdim ki, mən sizdən dollar istəməmişəm. Kredit mütəxəssisi cavab olaraq bildirdi ki, narahat olmayın, bu bankın qaydasıdır. Pul sizə manat ilə veriləcək, siz də hər ay 362 manat ödəyəcəksiniz, deyib bizi inandırdı. Hətta dolların kursu ilə veriblərsə də 78 qəpik kursu ilə verdikləri krediti notariusda təsdiqlətdirdilər. Respublikada birinci devolvasiya yaranandan sonra məndən 1.05 qəpik kursu ilə ödəniş etməyə məcbur etdilər. Hər ay aldığım əmək haqqını banka ödəmək məcburiyyətində oldum. İkinci devolvasiyaya uyğun əmək haqqım olmasa da məndən 750 manat ödəməyimizi tələb etdilər. Buna mənim heç bir imkanım yol vermədiyi üçün qanunlarımızın aliliyinə sığınıb düşündüm ki, Qanun Şahdır, şah qanun deyil. Amma Ədalətsiz məmurlarımız üçün Şah qanundur. Məhkəmə ali qanunverici instansiya olduğuna gorə Nəsimi Rayon Məhkəməsinə götürdüyüm 78 qəpik kursu ilə ödəniş etməyim üçün müraciət etdim. Məhkəmənin hakimi Paşayev Azər İslah oğlu nə yoldaşımın xəstəliyinə görə əlilliyini, işsizliyini mənim yaş həddimi, nə evimizin manat ilə girova götürüldüyünü, əmək haqqında arayışın manat ilə verilməsini, pulun kassadan manat ilə sayılıb veriməsini, nə də mənim günün məzənnəsinə uyğun əmək haqqı almadığımı bilə-bilə hətta bankın nümayəndəsinin məhkəmə prossesinə gəlmədən birbaşa bankın xeyrinə qərar verdi. Ən azından ailə vəziyyətimizi nəzərə alıb bankın faizlərini dondurmalı idi, bunu da etmədi. Respublikada devolvasya hamı üçün gözlənilməz bir vəziyyət oldu.

Cənab Prezidentimiz, mən nə siyasətçi, nə iqtisadiyyatçı, nə maliyyəçi, nə hüquqşunas, nə kommersant, nə də biznesmen deyiləm, adi bir vətəndaşam. Yoldaşım xəstəliyinə görə əlildir, heç yerdə işləmir, əsəb xəstəsidir, asma və yüksək qan təzyiqindən əziyyət çəkir, demək olar ki, dərmanla yaşayır. Ailənin tək övladı olub hal-hazırda heç kimsəsi yoxdur. Evin bütün dolanışığı, iynə dərmanlarının pulu, kommunal xidmətlərin ödənişi, həm də kreditin ödənişləri tək mənim üstümdədir. 54 yaşım tamam olmaqdadır. Bundan sonra nə qədər ömrüm qalıb bilmirəm. Xəstə əlil saxlamaqla bankın köləsi vəziyyətində yaşamağa artıq gücüm çatmır. Dünyanın heç bir yerində ömürlük kredit ödənilmir. 22.12.2014-cü ildə 12.027 manat 78 qəpik kursu ilə 15.300 dollar pul götürmüşdüm. Bu günə qədər min bir çətinliklə bir qarın ac, bir qarın tox olub, hətta çörək puluna görə evin qab-qaşığını, süfrə, dəsmallarını satmışam. Kimisinin köhnə paltarlarını, geyinmişəm, kimisinin köhnə sumkasını götürmüşəm, kimisinin ayaqqabısını geyinmişəm. Bu günə qədər 19.678 manat 1.70 kursu ilə 11.575 dollar ödəmişəm. Evimizin Nikoyl Bankın girovunda olmasından Maliyyə Bazarı da istifadə edib, mənim birinci devolvasiya vaxtında 78, 1.05 qəpik kursu ilə ödədiyim ödənişlərimi, ümumiyyətlə bu günə qədər bütün ödədiyim ödənişlərimi 1.70 kursu ilə hesablayıb. Mənim boynuma 14.823 manat da bundan sonrakı vaxta əlavə borc qoyur. Bu da o deməkdir ki, evimi girov qoymağımdan istifadə edib öz evimi mənə satırlar. Bu, böyük haqsızlıqdır. Mən də bu respublikanın vətəndaşıyam. Hər iki devolvasiyadan əziyyət çəkmişəm. Siz sağ olun ki, böyük humanistlik göstərib Respublikada problemi kreditlərin həlli üçün dövlət büddəsi hesabından hər iki devolvasiyadan əziyyət çəkən vətəndaşlara görə kompensasiya ayırmısınız. Nikoyl Bank bizim problemli kredit müştərisi olduğumuza görə adımızı Maliyyə Bazarlarına Nəzarət Palatasına göndərmişdi. 15 aprel tarixinə qədər adımız palatada dəqiqləşdirmə mərhələsində oldu. 15 aprel tarixindən sonra palatada adımızı həmin siyahıdan çıxardılar. İstər bank işçiləri, istərsə də Maliyyə Bazarına Nəzarət palatası çox yaxşı bilir ki, mən bu günə qədər götürdüyüm pulu tam artıqlaması ilə ödəmişəm. Evimizin bankın girovunda olmasından istifadə edib Bankın haqsızcasına boynumuza qoyduğu borcları faiz məzənnəsini müdafiə edirlər. Bunu hamı bilir ki, Respublikada yaranan devolvasiyadan sonra Siz Maliyyə Bazarlarına Nəzarət Palatasını yaratdınız ki, Bankların vətəndaşlara qarşı olan Ədalətsizliyinin qarşısını alsınlar. İqtisadçı ekspertlər də həmişə üçlük mexanizm yaradılıb, bu problemin aradan qaldırılmasını təklif edirdilər. Bir hissə dövlət tərəfindən yaranan vəziyyətə görə əhaliyə köməklik olunsun. Bir hissə bank tərəfindən, bir hissəsini də vətəndaş özü ödəsin. Yəni heç kim üçün çətinlik yaranmasın. Amma bizdə üçlük mexanizmi demək olar ki, tam əks formada yaradıldı. Ədalətsiz məmurlar tutduqları vəzifələrindən, əllərində olan imkanlardan istifadə edirlər. Banklar Maliyyə Bazarlarına Nəzarət Palatası və Məhkəmələr evləri, maşınları, qızıl, zinyət əşyaları girovda olanları təpiklərinin altına salıb sürüyürlər. Nə Sizin, nə də Mehriban xanım Əliyevanın adına yazılan məktubları da sizə vermirlər.

Cənab Prezidentimiz əgər mən məcburiyyətdən evimizi hər hansı bir sələmçiyə girov versəydim, indi sizi heç narahat etməzdim, mən məcburiyyətdən evimizi bankda girov qoyanda ilk öncə dövlətimizə güvəndim. Sonra da banka etibar etdim. Düşündüm ki, Bank nə qədər özəl olsa da dövlətin nəzarəti olan yerdə özbaşına ola blməz. Cənab prezidentimiz onu da qeyd edim ki, mənim yoldaşımın babası 1941-ci ildə könüllü müharibəyə gedib. 1943-cü ildə Novorossiyski şəhəri uğrunda gedən döyüşlərdə qəhrəmancasına şəhid olub. Onun ailəsinə qara kağız deyilən məktub gəlib. Cəbhəçi ailəsi olublar, amma heç bir vaxt dövlətdən köməklik, yardım istəməyiblər. Mənim yoldaşım Abbasov Yusif Məşədi Mustafa oğlunun soy adını daşıyan yeganə oğul varisidir. Özü də xəstəliyinə görə əlil və işsizdir. Yeganə ümidi atasından ona qalan sığınacağı olan evidir. Sığınacağından başqa heç nəyi yoxdur, o da Nikoyl Bankın əsarətindədir.

Cənab Prezident başa düşürük, indi biz müharibə şəraitində yaşayırıq. Öz doğma Azərbaycan torpağımızın ayrılmaz bir hissəsi olan doğma Qarabağımızın azad olunmasına Azərbaycan torpaqlarının bütövlüyü uğrunda qan töküb, şəhid veririk. Amma məlumdur ki, 1941-1945-ci illərdə sinəsini nemesin topunun, tankının qabağına verən ataların, oğulların axıtdığı qanı üzərində bu günki müstəqil dövlətlər birliyi, Böyük Rusiya Fedorasiyası, Böyük Türk dövləti, müstəqil demokratik, güclü Azərbaycan dövləti yaranıb. İndi bizim cənab İlham Əliyev kimi Azərbaycan dövlətini bütün dünya dövlətlərinin içində nümunəvi, nüfuzlu dövlət kimi tanıdan Prezidentimiz var. Siz Azərbaycan xalqının görən gözləri, düşünən beyni, döyünən ürəyisiniz. Necə deyərlər ki, elin gözü tərəzidir. Siz Azərbaycan dövlətinin günü-gündən yüksək səviyyədə inkişaf etməsinə görə əlinizdən gələn bütün qüvvənizi sərf edirsiniz.

Haydı marş irəli, qalib müzəffər

Heydərin ardınca İlhamdır rəhbər

Allahın adıyla Allahu Əkbər

İlhamdır rəhbər, İlhamdır rəhbər

Cənab Prezidentimiz siz prezident seçilərkən “Mən hər bir vətəndaşın prezidentiyəm” ifadənizə söykənib, Sizin göstərdiyiniz humanistliyiniz sayəsində Respublikada problemli kreditlərin həlli üçün ayırdığınız kompensasiya hesabına bu günə qədər götürdüyüm pulu tam artıqlaması ilə qaytarmağımızı nəzərə alıb evimizin girovdan çıxarılmasına görə sizdən köməklik istəyirəm. Hər kəsdən köməklik istədim, heç kim bizə köməklik etmədiyinə görə sizi narahat etmək məcburiyyətində oldum. On milyonluq Azərbaycan vətəndaşlarının və dünya Azərbaycanlılarının qarşısında cənab prezidentimiz Sizdən və hamımızın əzizi olan güvəndiyimiz Mehriban xanım Əliyevadan qadın həmrəyliyinə sığınıb min bir çətinliklə götürdüyüm pulları tam qaytarmağımı və ailə vəziyyətimizin çox ağır və acınacaqlı vəziyyətdə olduğunu nəzərə alıb problemli kreditlərə görə ayrılan kompensasiya hesabına evimizin girovdan çıxarılmasına görə şəxsən göstəriş verməyinizi sizdən artıq dərəcədə rica edirəm.

Mən çox istərdim ki, sizin göstərişiniz ilə dövlət nümayəndələrindən gəlib bizim hansı şəraitdə yaşamağımızla və məcburiyyətdən hansı səbəbə görə evimizi Nikoyl Bankda girov qoyduğumuzla yaxından tanış olsunlar. Mənim krediti götürdüyüm gündən bu günə qədər min bir çətinliklə ödədiyim pulları evimizin bankın girovunda olmasından istifadə edib nə Nikoyl Bank, nə də Maliyyə Bazarlarına Nəzarət Palatası ödəniş hesab etmir.

Bizim ümidimiz cənab Prezident yalnız Siz və Mehriban xanım Əliyevadır.

İmza: Şükürova Əsmər”.

P.S. Yazıda adları çəkilən təşkilatların rəsmi mövqeyini çap etməyə hazırıq. //aznews.az//