Azərbaycanda ana doğum zamanı öldüyünə uşaqdan imtina edilib.

Big.az xəbər verir ki, bunu Xəzər televiziyasında yayımlanan və Xoşqədəm Hidayətqızının aparıcılıq etdiyi "Səni axtarıram" verilişinə çıxan və uşaq evinə yerləşdirilən Aslanova Humay Fizuli qızının nənəsi deyib.

O bildirib ki, qızı 2000-ci ilin yanvarın 17-də doğum zamanı dünyasını dəyişib: "Hadisə Gədəbəydə baş verib. Doğum evdə idi. Biz körpəni saxlaya bilmədiyimizə görə uşaq evinə yerləşdirilib. Qızımın yoldaşının ailəsi uşağı Vaqif adlı bir kişiyə verirlər. O da aparıb uşaq evinə yerləşdirib. Bizdə olan məlumata görə, Humay bir ailəyə övladlığa verilib. Mən də balamı torpağa verdiyimə görə uşaq gözümə görünmədi. Qızımın bir yadigarını saxladım. Humay isə övladlığa verildi. Mən kürəkənimə dedim ki, apar, uşaq evinə qoy. 1 yaşında götürərik".