Главная > gundem / kriminal > Çoban işlədiyi fermanın mal-qarasını oğurladı

Çoban işlədiyi fermanın mal-qarasını oğurladı


27-08-2019, 10:40. Разместил: rovshen




Zaqatalada fermadan 27 baş iri və xırdabuynuzlu heyvan oğurlanıb.

Bununla bağlı Daxili İşlər Nazirliyinin Mətbuat Xidmətinin Şəki regional qrupu məlumat yayıb.

Belə ki, Zaqatala rayonu, Əliabad qəsəbə sakini Abdulla Həmzəyev ona məxsus fermadan 23 baş xırdabuynuzlu, dörd baş iribuynuzlu mal-qaranın naməlum şəxs və ya şəxslər tərəfindən oğurlanması barədə hüquq-mühafizə orqanlarına məlumat verib.

Əməliyyat-axtarış tədbirləri nəticəsində A.Həmzəyevə məxsus ümumilikdə 27 baş xırda və iribuynuzlu mal-qaranı oğurlayan şəxsin rayonun Muxax kənd sakini, elə həmin fermada çoban işləyən 32 yaşlı Həsən İbrahimov olduğu müəyyən edilib.

O, şübhəli şəxs qismində saxlanılaraq polis şöbəsinə aparılıb. Oğurladığı heyvanlardan bir neçəsi polis əməkdaşları tərəfindən aşkar edilərək maddi sübut kimi götürülüb.

Faktla bağlı araşdırma aparılır.
Вернуться назад