Главная > gundem / medeniyyet > “Vətənpərvərlik kinosu həftəsi” çərçivəsində növbəti filmlər təqdim edilib

“Vətənpərvərlik kinosu həftəsi” çərçivəsində növbəti filmlər təqdim edilib


15-01-2019, 16:36. Разместил: rovshen
“Vətənpərvərlik kinosu həftəsi” çərçivəsində növbəti filmlər təqdim edilib

Mədəniyyət Nazirliyinin kinematoqrafiya şöbəsinin və Bakı Şəhər Mədəniyyət Baş İdarəsinin birgə təşkilatçılığı ilə reallaşan “Vətənpərvərlik kinosu həftəsi” çərçivəsində Milli qəhrəmanlara həsr olunmuş filmlərin nümayişi davam edir.

Baş İdarədən AZƏRTAC-a bildirilib ki, kino həftəsi çərçivəsində filmlərin növbəti nümayişi yanvarın 15-də Binəqədi Mərkəzi Mədəniyyət evində keçirilib.

Kinorejissor Gülnarə Abdullayevanın lentə aldığı Milli Qəhrəman Tahir Həsənova həsr olunmuş “Bizim zaman qəhrəmanları” və rejissor Kamalə Musazadənin lentə aldığı Milli Qəhrəman Cavanşir Rəhimova həsr olunmuş “Cavanşir” adlı filmlər tamaşaçılara təqdim edilib.

Filmlərin nümayişində məktəb şagirdləri, qəsəbə sakinləri və ictimaiyyət nümayəndələri iştirak ediblər.

Qeyd edək ki, kino həftəsinin keçirilməsində məqsəd əhali arasında vətənpərvərlik ruhunu gücləndirmək, torpaqlarımız uğrunda döyüşlərdə igidlik göstərən Milli qəhrəmanlarımızı gənc nəslə tanıtmaq, Qarabağ müharibəsinin qəhrəmanlıq səhifələrini əks etdirməkdir.
Вернуться назад