“Kəllə qənd”, yoxsa yuyucu maddə? – “QTA effektli iş aparmır”

“Kəllə qənd”, yoxsa yuyucu maddə? – “QTA effektli iş aparmır”

Bəzi kütləvi informasiya vasitələrində bir sıra qənnadı məmulatlarının istehsalı ilə məşğul olan müəssisələrdə “kəllə qənd”in hazırlanmasında mənşəyi məlum olmayan kimyəvi maddələrdən istifadə edilməsi barədə məlumatlar yayılıb.
Məsələ ilə əlaqədar bildirilib ki, Asif İsmayılov, Əli Əliyev, Teyyub Nadirov, Maqsud Əlizadə və İran İslam Respublikasının vətəndaşı Tayef Davoud qənd sexlərində “kəllə qənd”in istehsalı zamanı məhsulun rənginin ağardılması məqsədilə xalça yuma məntəqələrində ləkələrin təmizlənməsi üçün istifadə olunan məhsulu qənd istehsalı sexlərinin sahiblərinə satmağa cəhd ediblər. “Kəllə qənd”ə yuyucu maddə qatmağa cəhd edən işbazlar məhkəmə qarşısına çıxarılacaqlar.

Məsələ ilə bağlı Azad İstehlakçılar Birliyinin (AİB) sədri Eyyub Hüseynov “Sherg.az”a açıqlamasında bildirib ki, bu işdə marketlər də xüsusilə diqqətli olmalıdırlar. Ekspertin sözlərinə görə, marketlər belə məhsulları almalı deyil:

“Bu məsələni 2018-ci ildən qaldırmışam. O zamanlar heç Qida Təhlükəsizliyi Agentliyi (QTA) yaradılmamışdı. Sonralar isə QTA-ya rəsmi məktub yazdım və onlar mənə cavabda bildirdilər ki, doğrudan da belə fakt aşkarlanıb. Lakin görürük ki, ölkəmizdə QTA effektli iş aparmır. İnsanların sağlamlığı təhlükə altındadır. Bu iş o zaman əhəmiyyət verər ki, istehlakçılar belə məhsulları almasınlar, boykot etsinlər. Market sahibləri bu cür malları qəbul etməməlidirlər, QTA ilə sıx işləməlidirlər. O zaman effektiv nəticə ortaya çıxar. Biz AİB olaraq işimizi görərək dövlət orqanlarına, cəmiyyətə xəbər veririk”.
Oxşar xəbərlər
«    Июль 2020    »
ПнВтСрЧтПтСбВс
 12345
6789101112
13141516171819
20212223242526
2728293031 
Mədəniyyət